Ռոուզ Բոուլ մարզադաշտ
 |
|
| Նախկին անվանումներ | Թերնամենթ օֆ Ռոուզիս Ստեդիում |
| Տեղագրություն |  Փասադենա, ԱՄՆ |
| Հիմնադրված | 1921 |
| Բացված | 8 հոկտեմբերի 1922 |
| Կառուցման գին | $272,198 USD |
| Ճարտարապետ | Մայրոն Հանտ |
| Սեփականատեր | City of Pasadena |
| Տարողություն | 93 000 |
| Տնային թիմ | Los Angeles Aztecs (NASL) (1978–1979) UCLA Bruins (NCAA) (1982–առ այժմ) Los Angeles Galaxy (MLS) (1996–2003) Miami Seahawks (AAFC) (1946) Los Angeles Wolves (NASL) (1968) |
| Դաշտի չափսեր | 64x110 (ֆուտբոլ) 48.5x61.5 (ռեգբի) |
Ռոուզ Բոուլ Բոուլ մարզադաշտ (անգլերեն՝ Rose Bowl), մարզադաշտ, որ գտնվում է ԱՄՆ-ի Կալիֆորնիա նահանգի Փասադենա քաղաքում: Մարզադաշտը նախատեսված է ֆուտբոլային (սոքերի) և ռեգբիի (ինչպես դասական ռեգբիի, այնպես էլ ամերիկյան ֆուտբոլի) հանդիպումների անցկացման համար: Տեղավորում է շուրջ 93 հազար հանդիսականի:
Բովանդակություն |
[խմբագրել] Պատմությունը
Մարզադաշտի կառուցման մտահաղացումը պատկանում է "Pasadena Tournament of Roses Association" կոչվող կազմակերպությանը: Այն կազմակերպում էր ամերիկյան ֆուտբոլի «Ռոուզ Բոուլ» կոչվող քոլեջային թիմերի մրցաշարը, որը մինչև 1922թ. անց էր կացվում Փասադենայի Թերնամենթ Պարկ 43 հազարանոց մարզադաշտում: Նոր մարզադաշտը 1921թ. նախագծեց հայտնի ճարտարապետ Մայրոն Հանտը (Myron Hunt), որի նախագծած Յել Բոուլ մարզադաշտը կառուցվեց 1914թ. Կոնեկտիկուտ նահանգում: մարզադաշտի բացումը տեղի ունեցավ 1922թ. հոկտեմբերի 8-ին: Մինչ 1923թ. այն կրում էր Թերնամենթ օֆ Ռոուզիս Ստեդիում (Tournament of Roses Stadium) կամ Թերնամենթ օֆ Ռոուզիս Բոուլ (Tournament of Roses Bowl) անվանումները, իսկ 1923թ.-ից այն պառզապես կոչվում է Ռոուզ Բոուլ: Մարզադաշտի հարավային տրիբունաների կառուցումն ավարտվեց 1928թ., և Ռոուզ Բոուլը ստացավ իր վերջնական (ներկա) տեսքը: Մարզադաշտում անց են կացվել Ֆուտբոլի ազգային լիգայի` NFL-ի ամերիկյան ֆուտբոլի հանդիպումներ, Սոքերի բարձրագույն լիգայի` MLS-ի, միջազգային ֆուտբոլային մրցաշարերի ֆուտբոլային հանդիպումներ: Ներկայումս հանդիսանում է ՈՒԿԼԱ Բրուինս ամերիկյան ֆուտբոլի ակումբի տնային մրցահրապարակը:
[խմբագրել] Ամառային օլիմպիական խաղեր
Ռոուզ Բոուլ Բոուլ մարզադաշտը ծառայել է որպես հեծանվահրապարակ 1932թ. ամառային օլիմպիական խաղերի հեծանվավազքի մրցումների ժամանակ:
Այստեղ անց են կացվել 1984թ. ամառային օլիմպիական խաղերի ֆուտբոլային մրցաշարի 11 հանդիպումներ, այդ թվում` եզրափակիչը:
[խմբագրել] Սուպեր Բոուլ
Ռոուզ Բոուլը մեկն է այն երկու մարզադաշտերից, որտեղ անց են կացվել հինգ Սուպեր Բոուլներ (1977, 1980, 1983, 1987, 1993), ընդ որում չունենալով սեփական թիմը:
 |
[խմբագրել] ԿՈՆԿԱԿԱՖ-ի ոսկե գավաթ
Ռոուզ Բոուլը ընդունել է 1991թ. ոսկե գավաթի 6 հանդիպումներ, 2002թ. ոսկե գավաթի 12 հանդիպումներ (այդ թվում եզրափակիչը), 2011թ. ոսկե գավաթի եզրափակիչը:
[խմբագրել] Ֆուտբոլի աշխարհի առաջնություն
1994թ. աշխարհի առաջնություն շրջանակներում Ռոուզ Բոուլում տեղի են ունեցել 8 հանդիպումներ, այդ թվում` եզրափակիչ հանդիպումը:
| Ամսաթիվը | 1-ին թիմը | Հաշիվը | 2-րդ թիմը | Մրցաշարի փուլը | Հանդիսական |
|---|---|---|---|---|---|
| 18 հունիսի 1994 | Կոլումբիա  |
1 : 3 |  Ռումինիա |
խմբային փուլ, խումբ A | 93 586 |
| 19 հունիսի 1994 | Կամերուն  |
2 : 2 |  Շվեդիա |
խմբային փուլ, խումբ B | 93 194 |
| 22 հունիսի 1994 | Միացյալ Նահանգներ |
2 : 1 | Կոլումբիա |
խմբային փուլ, խումբ A | 93 869 |
| 26 հունիսի 1994 | Միացյալ Նահանգներ |
0 : 1 | Ռումինիա |
խմբային փուլ, խումբ A | 93 869 |
| 3 հուլիսի 1994 | Ռումինիա |
3 : 2 |  Արգենտինա |
1/8 եզրափակիչ | 90 469 |
| 13 հուլիսի 1994 | Շվեդիա |
0 : 1 |  Բրազիլիա |
կիսաեզրափակիչ | 91 856 |
| 16 հուլիսի 1994 | Շվեդիա |
4 : 0 |  Բուլղարիա |
հանդիպում 3-րդ տեղի համար | 91 500 |
| 17 հուլիսի 1994 | Բրազիլիա |
0:0 ԼԺՀ 3:2 ՀՏՀ |  Իտալիա |
եզրափակիչ | 94 194 |
Ռոուզ Բոուլում անց են կացվել նաև 1999թ. ֆուտբոլի աշխարհի կանանց առաջնության 4 հանդիպումներ, այդ թվում եզրափակիչ հանդիպումը:
[խմբագրել] Համերգներ
2008թ. հունիսի 18-ին Ռուոզ Բուոլում տեղի ունեցավ Դեպեշ Մոդ բրիտանական ռոք-խմբի համերգը, որին ներկա էին 60 452 երկրպագուներ: 2009թ. հոկտեմբերի 25-ին Յու Թու (U2) իռլանդական ռոք-խմբի համերգը մարզադաշտում հավաքեց 97 014 մարդու:
[խմբագրել] Հղումներ
- Ռոուզ Բոուլի պաշտոնական կայք rosebowlstadium.com (EN)
- Տեղեկություններ Ռոուզ Բոուլի մասին rosebowlstadium.com, goldcup.org, fifa.com (EN), touringo.ru, football-2000.niv.ru (RU)
 |
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ռոուզ Բոուլ մարզադաշտ կատեգորիայում։ |
