Ռոզի Վարդ

Վիքիպեդիայից՝ ազատ հանրագիտարանից

Ռոզի Վարդ իսկական անունը Նուարդ Մանուելյան (ֆր.՝ Rosy Varte,[1]) (նոյեմբերի 23 1923, Ստամբուլ - հունվարի 14 2012, Փարիզ), հայկական ծագումով ֆրանսիացի դերասանուհի:


Բովանդակություն

Կենսագրություն[խմբագրել]

Ծնվել է 1923 թվականին: Ընտանիքը Ֆրանսիա բնակության է տեղափոխվել, երբ Ռոզին ընդամենը մի քանի շաբաթական էր: Վարդը աշխատել է փարիզյան շատ թատրոններում: Լեգենդար Thеаtre national populaire-ում Ժան Վիլարի հետ 1958 թվականին բեմադրել է “Յուբյու արքան” ներկայացումը, որը համաշխարհային թատրոնի դասական գործ է դարձել: 1971 թվականից Վարդը մշտապես համագործակցել է Ֆրանսիական կոմեդիայի թատրոնի («Կոմեդի ֆրանսեզ») հետ:[2]: Ֆրանսիացի հանդիսատեսի լայն շրջանակներին Ռոզին հայտնի էր Maguy հեռուստասերիալում իր համանուն դերով: 1985-1993 թվականներին նկարահանվել է Maguy-ի 333 սերիաներում: Վարդը հայտնի է նաև ֆրանսիական կինոյի վարպետներ` ռեժիսորներ Ժան Ռենուարի, Ֆրանսուա Տրյուֆոյի, Անրի Վերնոյի, Կլոդ Սոտեի հետ իր համագործակցությամբ:

Հայ հանդիսատեսին Ռոզի Վարդը առավել հայտնի է խորհրդային կինովարձույթի ցուցադրած Անժելիկայի մասին պատմող ֆիլմաշարից, «Ֆրանսիական կանկան» ֆիլմից, որտեղ հանդես է եկել Ժան Գաբենի հետ, ինչպես նաև Ժան Պոլ Բելմոնդոյի գլխավոր դերակատարությամբ «Վախը քաղաքի վրա» և «Ուրախ զատիկ» ֆիլմերից: Նրա վերջին դերը 2007 թվականին նկարահանված «Յուբերը և շունը» ֆրանսիական կինոնկարում էր:

Բացի կինոյի և թատրոնի դերակատարումներից ձայնագրել է մի քանի երգ: 1989 թվականին մասնակցել Շարլ Ազնավուրի և Ժորժ Գարվարենցի համատեղ ստեղծագործության ձայնագրությանը, որի եկամուտը հատկացվել է Սպիտակի երկրաշարժից տուժածներին:

Մահացել է 2012 թվականի հունվարի 14-ին:[3]

Պարգևներ[խմբագրել]

Ֆիլմոգրաֆիա[խմբագրել]

Ծանոթագրություններ[խմբագրել]

  1. ↑ Rosy Varte // est décédée, adieu «Maguy» [1]
  2. ↑ Ռոզի Վարդի մասին kino-teatr կայքում (ռուս.)
  3. ↑ Panorama // [2]
Ստացված է «http://hy.wikipedia.org/w/index.php?title=Ռոզի_Վարդ&oldid=1185133» էջից