Ռիչարդ Լորենս Միլինգթոն Սինգ

Վիքիպեդիայից՝ ազատ հանրագիտարանից
Ռիչարդ Սինգը

Ռիչարդ Լորենս Միլինգթոն Սինգ (անգլ.՝ Richard Laurence Millington Synge, հոկտեմբերի 28, 1914, Լիվերպուլ, Մեծ Բրիտանիաօգոստոսի 18 1994, Նորիջ, Մեծ Բրիտանիա), անգլիացի կենսաքիմիկոս, Լոնդոնի թագավորական ընկերության անդամ (1950)։ Ավարտել է Քեմբրիջի համալսարանը (1936)։ 1941—43-ին աշխատել է բրդի արդյունաբերութրւն ընկերությունում, 1943-ից՝ Լոնդոնի Լիստերյան կանխարգելիչ բժշկագիտության ինստիտուտում, 1948-ից եղել է Ռոուետյան հետազոտական ինստիտուտի (Աբերդին) սպիտակուցների կենսաքիմիայի և քիմիայի բաժնի վարիչ։ 1967-ից աշխատել է Նորիջի սննդանյութերի ինստիտուտում։ Աշխատանքները հիմնականում վերաբերում են սպիտակուցների վերլուծական քիմիային։ Մշակել է (1941, Ա. Մարտինի հետ միասին) բաժանող քրոմատոգրաֆիայի տեսական հիմունքները և ներդրել գործնականում։ Նոբելյան մրցանակակիր (Ա. Մարտինի հետ համատեղ, 1952)։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png