Ռաֆֆի Ադալյան

Վիքիպեդիայում կան հոդվածներ Ադալյան ազգանունով այլ մարդկանց մասին։

Ռաֆֆի Ադալյան
Ծնվել է	հունիսի 12, 1940(1940-06-12) (83 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի Կոմիտասի անվան պետական կոնսերվատորիա (1966) և Երևանի պետական գեղարվեստա-թատերական ինստիտուտ
Մասնագիտություն	ջութակահար և նկարիչ
Ռաֆֆի Ադալյան Վիքիդարանում

Ռաֆֆի Մարտիրոսի Ադալյան (հունիսի 12, 1940(1940-06-12), Երևան, Հայկական ԽՍՀ, ԽՍՀՄ), հայ նկարիչ, ջութակահար։

ՀՀ ժողովրդական նկարիչ Ռուբեն Ադալյանի և գրող Նորայր Ադալյանի եղբայրն է։

Կենսագրություն

1966 թվականին ավարտել է Երևանի Կոմիտասի անվան պետական կոնսերվատորիան։

Գեղանկարչություն և նկարչություն սովորել է եղբորից՝ նկարիչ Ռուբեն Ադալյանից, և ազատ ունկնդրի կարգավիճակով հաճախել է Երևանի գեղարվեստա-թատերական ինստիտուտ։

Աշխատել է Հայաստանի պետական սիմֆոնիկ նվագախմբում։

1992 թվականից ապրում և ստեղծագործում է ԱՄՆ-ում։

Ստեղծագործական գործունեություն

Ադալյանի գործերը հայկական ավանգարդիստական ուղղության աչքի ընկնող երևույթներից են («Չգրված երգ», 1969, «Թափառող ոգիներ», 1980-ական թթ., «Հայաստան», 1987, վերջին երկուսը՝ նկարաշարեր)։ Ձևավորել է «Մեծ աշխարհի մեր անկյունը» (1982, ԵԴԹ) ներկայացումը։

Ցուցահանդեսներ

Անհատական ցուցահանդեսներ է ունեցել՝

• Երևան (1991, 2000, 2010)
• Լոս Անջելես (1997)

Գործերից պահվում են Հայաստանի ազգային պատկերասրահում, Ժամանակակից արվեստի թանգարանում։

Արտաքին հղումներ

• Երևանի ժամանակակից արվեստի թանգարանի կայքը Արխիվացված 2016-03-04 Wayback Machine
• Ռաֆֆի Ադալյան

Վիքիդարանն ունի նյութեր, որոնք վերաբերում են «Ռաֆֆի Ադալյան» հոդվածին։