Ռաշմոր լեռ

Վիքիպեդիայից՝ ազատ հանրագիտարանից
Չորս նախագահների բարձրաքանդակը։

Ռաշմոր լեռ ազգային հուշարձան (անգլ.՝ Mount Rushmore National Memorial), գտնվում է ԱՄՆ Հարավային Դակոթա նահանգի Քիսթոմ քաղաքի մոտակայքում։ Լեռը հայտնի է գրանիտե ապարի վրայի 18.6 մետր բարձրությամբ ԱՄՆ չորս նախագահների՝ Ջորջ Վաշինգտոնի, Թոմաս Ջեֆերսոնի, Թեոդոր Ռուզվելտի և Աբրահամ Լինքոլնի բարձրաքանդակով։

Նախքան Ամերիկայի գաղութացումը այս լեռը տեղաբնակ ցեղերի լեզվով կոչվում էր «Վեց նախահայրեր» (անգլ.՝ Six Grandfathers), բայց 1930 թվականին վերանվանվեց Չարլզ Ռաշմորի՝ ամերիկյան բիզնեսմենի անունով (անգլ.՝ Charles E. Rushmore), որը 1885 թվականին կազմակերպել էր առաջինը այս շրջան այցելած արշավախումբը։ Նա նախագահների քանդակի համար հատկացրել է 5000$, որն այն ժամանակ ԱՄՆ-ում հսկայական գումար էր։

Աշխատանքները կատարվել են 1927-ից 1941 թվականներին։ Քանդակագործը Ջոն Գուդզոն Բորգլումն է (անգլ.՝ Gutzon Borglum)։ Թեոդոր Ռուզվելտի գլուխը դիրքով մյուսներից խորն է, քանի որ պայթեցումների ժամանակ ապարի մեծ կտոր էր քանդվել։ Քանդակի վրա աշխատել են 400-ից ավել մասնագետներ։ Համարվում է ԱՄՆ պատմականհուշարձան։