Ռագըփ Զարաքօլու

Ռագըփ Զարաքօլու Ragıp Zarakolu
Ծնվել է	1948
Ծննդավայր	Բյույուքադա, Փրինս կղզիներ
Քաղաքացիություն	Թուրքիա
Ազգություն	թուրք
Երկեր	«Ճշմարտությունը մեզ կազատի. Հայերը և թուրքերը հաշտեցված»
Մասնագիտություն	իրավապաշտպան, հրատարակիչ
Պարգևներ և մրցանակներ	IPA Freedom to Publish Prize

Ռագըպ Զարաքօլու (թուրքերեն՝ Ragıp Zarakolu, 1948, Բյույուքադա, Ստամբուլի մարզ, Թուրքիա), թուրք մտավորական, ակտիվիստ, մարդու իրավունքների պաշտպան և Բելգե հրատարակչության հիմնադիր-տնօրեն, հեղինակն է շատ հրատակությունների, որոնց թեման է մասնավորապես Թուրքիայի փոքրամասնությունների խնդիրները և ազատությունը։

Կենսագրություն

Ծնվել է 1948 թ. Ստամբուլից ոչ հեռու գտնվող Բույուքադա կղզում։ Այդ ժամանակ նրա հայրը Ռեմզի Զարաքօլուն այդ կղզու ղեկավարն էր։ Մեծացել է հույն և հայ փոքրամասնությունների շրջապատում։ 1968 թ. սկսեց գրել «Անտ» և «Յենի Ուֆուկլար» թերթերի համար։

1971 թ. հինգ ամիս անցկացրել է բանտում «Ամնեստի Ինտերնեյշնալի» հետ գաղտնի կապեր ունենալու մեղադրանքով։ 1972 թ. Ռագըփ Զարաքօլուին դատապարտեցին 2 տարվա ազատազրկման իր «Երդում» հոդվածի համար, որ Հո Չի Մինհի և Վիետնամի պատերազմի մասին էր։

Բելգե հրատարակչատունը հիմնադրել են Ռեգիպ Զարաքօղլուն և նրա կինը՝ Այշենուրը 1977 թ.։ Ամուսինները հետագայում ենթարկվել են անև ազատազրկման իրենց հրատարակչությունների պատճառով։ Հրարակել է մի շարք գրքեր Հայոց հարցի, հունական գրականության և Թուրքիայում հրեաների մասին։

Հրատարակել է նաև մի շարք գրքեր Հայոց ցեղասպանության մասին, օրինակ՝ «Ճշմարտությունը մեզ կազատի. Հայերը և թուրքերը հաշտեցված» և այլ գրքեր, որ 2005 թ. կրկին դատարանում հայտնվելու պատճառ հանդիսացան։ 2007 թ. նոյեմբերին հրատարակել է Դավիդ Գաունտի «Ջարդեր, դիմադրություն, պաշպանողներ» վերնագրով գիրքը, որը ասորիների ցեղասպանության մասին։

Տես նաև

• Հայեր, ներեցեք մեզ