Ջորջ Գերշվին

Վիքիպեդիայից՝ ազատ հանրագիտարանից
Ջորջ Գերշվին
George Gershwin
George Gershwin 1937.jpg
Ծնվել է սեպտեմբերի 26, 1898({{padleft:1898|4|0}}-{{padleft:9|2|0}}-{{padleft:26|2|0}})[1]
Ծննդավայր Քինգս շրջան[1]
Մահացել է հուլիսի 11, 1937({{padleft:1937|4|0}}-{{padleft:7|2|0}}-{{padleft:11|2|0}})[1] (38 տարեկանում)
Մահվան վայր Հոլիվուդ
Քաղաքացիություն US flag 48 stars.svg ԱՄՆ
Գործունեություն երգահան, դաշնակահար և հեղինակ-կոմպոզիտոր
Պարգևներ և
մրցանակներ՝
Գրեմիի հոգաբարձուների խորհրդի պարգև
IMDb nm0006097
Կայք gershwin.com

Ջորջ Գերշվին (անգլ.՝ George Gershwin, սեպտեմբերի 26, 1898 - հուլիսի 11, 1937), ամերիկացի կոմպոզիտոր, դաշնակահար, սիմֆոջազի ճանաչված ներկայացուցիչներից, «Պորգին ու Բեսը» (1935) ամերիկյան ազգային առաջին օպերայի հեղինակը։

Ջորջ Գերշվինը ծնվել է Ռուսաստանից գաղթած հրեաների ընտանիքում։ Երաժշտական կանոնավոր կրթություն չի ստացել, դաշնամուրի և հարմոնիայի մասնավոր դասեր է առել ժամանակի նշանավոր երաժիշտ–մասնագետներից, հետագայում զբաղվել է ինքնակրթությամբ։

Գերշվինը 25 տարեկանում՝ որպես ջազային երգերի, օպերաների, մյուզիքլների հեղինակ ճանաչված էր Նյու Յորքում, Լոնդոնում, Փարիզում, որտեղ էլ 1928 ծանոթացել ու մտերմացել է Մորիս Ռավելի և այլ անվանի երաժիշտների հետ։

Գերշվինը իմպրովիզացիոն ջազի ավանդույթները, աֆրո–ամերիկյան երաժշտական ֆոլկլորի (բլյուզ, սպիրիչուէլս) և թեթև ժանրի (Բրոդվեյի Էստրադա) բնորոշ տարրերը զուգորդել է եվրոպական երաժշտության դասական ձևերի (օպերային, սիմֆոնիկ կոնցերտային)։ Նրա ստեղծագործությանը հատուկ են երգիծական գծերը, սուր հումորը, գրոտեսկը։

Քաղաքական թեմաներով գրել է «Թող թնդա նվագախումբը», «Քեզ եմ երգում» մյուզիքլները, «Ամերիկացին Փարիզում» սիմֆոնիկ սյուիտը։ Գերշվինի «Բլյուզի ոճով ռասպոդիան» դաշնամուրի և սիմֆոջազի համար, ինչպես նաև սևամորթների կըանքը պատկերող « Պորգին ու Բեսը» օպերան արժանացել են համաշխարհային ճանաչման։

Գրել է նաև օպերետներ «Տիկի՛ն, եղե՛ք բարի», «Զվարճալի դեմք», սիմֆոնիկ երաժշտության (Երկրորդ ռապսոդիա, Կուբայական նախերգանք) և այլն, պարային պիեսներ, երգեր, Կոնցերտ դաշնամուրի և նվագախմբի համար, դաշնամուրային երեք պրելյուդ, կինոերաժշտություն։ [2]

Աղբյուրներ[խմբագրել]

  1. 1,0 1,1 1,2 Record #118639226 // Gemeinsame Normdatei Ստուգված է ապրիլի 26-ին 2014:
  2. Դպրոցական մեծ հանրագիտարան, գիրք 2, հատոր 1, ՀՀՀ, Ե. 2009, էջ 182