Ջորջ Ավագյան

Վիքիպեդիայից՝ ազատ հանրագիտարանից
Picto infobox music.png
Ջորջ Ավագյան
Հիմնական տվյալներ
Ի ծնե անուն Ջորջ Ավագյան
Ծնվել է մարտի 15, 1919 (96 տարեկան)
Արմավիր
Երկիր Flag of the United States.svg ԱՄՆ
Ժանրեր ջազ
Մասնագիտություն Երաժշտագետ, ձայնագրող,պրոդյուսեր
Լեյբլ
Columbia Records«Ուորեն Բրադրզ»
RCA Records
Կապված Դեյվ Բրուբեք
Լուի Արմսթրոնգ
Մայլս Դևիս

Ջորջ (Գևորգ ) Ավագյան (1919, մարտի 15, Արմավիր, Հյուսիսային Կովկաս (ՌԴ)), ամերիկահայ պրոդյուսեր, ջազի նշանավոր դեմքերից։

Կենսագրություն[խմբագրել]

Ջորջ Ավագյանը ծնվել է 1919 թվականին, ՌԴ Արմավիրի մարզում։ 1923 թվականին տեղափոխվել է ԱՄՆ։ 1941 թվականին ավարտել է Յեյլի համալսարանը։ Եղել է Դեյվ Բրուբեքի, Լուի Արմսթրոնգի, Մայլս Դևիսի և շատ այլոց պրոդյուսերը։ 1951-1958 թթ. եղել է «Ուորեն Բրադրզ» կինոընկերության երաժշտական ձայնագրումների բաժնի վարիչն ու տնօրենը։ Ձայնագրման ասպարեզում կատարել է մի շարք նորարարություններ։ Թողարկել է աշխարհում առաջին LP ձայնապնակները և Live ձայնագրությունը (Բեննի Գուդմեն)։ Կոլումբիայի համալսարանում վարել է ջազի պատմության դասընթացներ։ Արժանացել է Գրեմմի մրցանակի։ Columbia Records-ում ձայնագրել է Արմսթրոնգի, Բեննի Գուդմենի, Բիլլ Հեյլիի լավագույն ալբոմները։ 1939 թվականին Չիկագոյում թողարկել է իր ջազային մեղեդիների ձայնապնակը, իսկ Նյու Յորքում հիմնել և նախագահել է «Ավագյան Քո» ընկերությունը, որը մասնաճյուղեր ունի Փարիզում, Բրյուսելում և Թեհրանում։ Մասնակցել է «Գիշերային աղջիկներ», «Ստրավինսկի», «Ամառային օրվա ջազ» և այլ շարժանկարների։ 1957 թվականին դարձել է ԱՄՆ-ի ձայնագրման արվեստի ազգային ակադեմիայի նախագահության անդամ։ Համարվել է ամերիկյան ջազի մեծագույն հեղինակություններից։ 1961 թվականին արժանացել է «Գրեմմի» մրցանակի` «Լավագույն ալբոմ» անվանակարգում։ 1962 թվականին կազմակերպել է Բենի Գուդմանի համերգային շրջագայությունները ԽՍՀՄ-ում։ 1998 թվականին այցելել է Հայաստան և մասնակցել է Երևանի առաջին միջազգային ջազ փառատոնին[1]։

Պարգևներ[խմբագրել]

  • 2011 ASCAP ջազի հուշապատում` որպես ջազի կենդանի լեգենդ
  • 2010 National Endowments for the Arts AB Spellman Jazz Advocacy Award (ամենաբարձր ազգային կոչումը ջազի համար որպես պրոդյուսեր)
  • 2008 Արվեստի և գրականության մրցանակ Ֆրանսիայի կողմից
  • 2006 Django d’Or ջազի մրցանակ
  • 2000 Down Beat ամսագրի կողմից մրցանակ
  • 1990 Լենինի շքանշան
  • 1984 Մալթայի ասպետների կողմից «Ասպետություն» կոչում
  • 1961«Գրեմմի» մրցանակ

Ընտանիք[խմբագրել]

  • Ավագ եղբայրը` Արամ Ավագյանը (1926–1987) լուսանկարիչ, կինոարդյունաբերող
  • Կինը` ջութակահարուհի Անահիտ Աճեմյան

Ծանոթագրություններ[խմբագրել]

Հղումներ[խմբագրել]