Ջոտտո դի Բոնդոնե

Ջոտտո դի Բոնդոնե (իտալերեն՝ Giotto di Bondone, շուրջ 1266-1337) — նախավերածննդյան շրջանի իտալացի նկարիչ և քանդակագործ:

Ֆլորենտական հիմքի վրա ձևավորվում է Ռենեսանս-ռեալիստական արվեստի հիմնադիր Ջոտտոի արվեստը: Նա նոր մշակույթի ներկայացուցիչ էր: Եղել է ճարտարապետ, քանդակագործ, պոետ, սակայնամենանշանակալի ներդրումը կատարել է գեղանկարչության մեջ: Նա առաջիններից է ,որ ստեղծել է մարդու տիպական կերպարը իր առջև խնդիր դնելով մոդելավորված լույս և ստվերի միջոցով ստանալ պլաստիկ ծավալի կշռեկիություն և ռեալ, հավասարաչափ տարածության վերարտադրությունը:

Մոտավորապես 1309 թվականին Ջոտտոն զարդանկարում է Պադուա քաղաքում գտնվող Կապելլա դել Արենա եկեղեցու պատերը: Որմնանկարները ներկայացնում են Քրիստոսի կյանքի ողջ ուղին` սկսած նրա նախնիների պատմությունից: Ավելի նշանակալի նկարնե-րից է «Հուդայի համբույրը»: Նկարի կենտրոնում առաքյալներից ու զինվորներից առաջանում է դեպի դիտողը Քրիստոսը և Հուդան: Քրիստոսը պատկերված է վեհ և գեղեցիկ: Նրա լարված հայացքը լի է զայրույթով և կշտամբանքով: Վանելու աստիճան այլանդակ է Հուդան: Նույն կապելլայի որմնանկարներից է նաև «Հովակիմի վերադարձը հովիվների մոտ», «Սուրբ Ղազարի հարությունը» և «Ողբ առ Քրիստոս»-ը:

1307 թվականին նրան նշանակում են Ֆլորենցիայում կատարվող բոլոր գեղարվեստական աշխատանքների ղեկավար: Լեոնարդո դա Վինչին ասել է նկարչի մասին հետևյալ խոսքերը. «Ջոտտոն գերազանցեց ոչ միայն իր ժամանակակիցներին , այլև մի քանի դար առաջ անցավ նրանցից»:

Պատկերասրահ

• 

  Ուղեկցող ֆիգուրներ, Հանդիպում Ոսկե դարպասի մոտ կտավ Arena Chapel (ca. 1305)

• 

  Դանթե Ալիգիերի, Բարգելոյի մատուռ, Ֆլորենցիա (14-րդ դար)

• 

  Մոգերի երկրպագությունը, Արենա մատուռ (շուրջ 1305)

• 

  Փախուստ Եգիպտոս, Արենա մատուռ (ca. 1305)

• 

  Հուդայի համբույրը, Արենա մատուռ (ca. 1305)

• 

  Վերջին ընթրիք, Alte Pinakothek, Մյունխեն (ca. 1306)

• 

  Խաչելություն, Musée des Beaux-Arts de Strasbourg, ca. 1320-1325

• 

  Մադոննա Օնիսանտի, Ուֆիցի պատկերասրահ (ca. 1310)

• 

  Սուրբ Լորանս, Musée Jacquemart-André, Châalis (ca. 1320–1330)