Ջիովաննա Անտոնելլի

Վիքիպեդիայից՝ ազատ հանրագիտարանից
Ջիովաննա Անտոնելլի

Ջիովաննա Անտոնելլի (պորտ.՝ Giovanna Antonelli, մարտի 18, 1976, Ռիո դե Ժանեյրո), թատրոնի և կինոյի բրազիլացի դերասանուհի, մոդել, հաղորդավար և պրոդյուսեր։

Կյանքը[խմբագրել]

Ընտանիք[խմբագրել]

Նրա հայրը օպերային հայտնի երգիչ Հիլթոն Պրադոն է, իսկ մայրը՝ պրոֆեսիոնալ պարուհի Սուելլի Անոտոնելլին: 11 տարեկանից խաղացել է սիրողական թատրոնի բեմում: Նրա կարիերան սկսվել է 14 տարեկանից մանկական Angélica հաղորդումից: 4 տարի հետո առաջին անգամ նկարահանվել է «Տրոպիկանկա» սերիալում: Հետագայում նա նկարահանվել է Կլոն (2001), Մեղքի գույնը (2004), Ամազոնիա (2006), Յոթ մեղք (2007) 7 կանայք և «Երեք քույրեր 2008 հեռուստասերիալներում։

Անձնական կյանք[խմբագրել]

Ջիովաննան պաշտոնապես ամուսնացել է 2 անգամ: Առաջին անգամ ամուսնացել է 1997 թվականին բիզնեսմեն Ռիկարդո Մեդինուի հետ, որի հետ ծանոթ է եղել դեռ դպրոցական տարիներից: Նրանք համատեղ ապրել են ընդամենը 4 տարի և 2001 թվականին բաժանվել են: Բազմասերիանոց Կլոն հեռուստասերիալի նկարահանումներից հետո նրա և Լուկասի դերը մարնմնավորող Մուրիլու Բենիսիույի հետ հարաբերությունները ավելի խորացան: 2004 թվականի դեկտեմբերին Ջիովաննան ենթարկվեց ավտովթարի, իսկ հարցազրույցի ժամանակ, որը տեղի ունեցավ հիվանդանոցից դուրս գրվելուց հետո, նա հայտարարեց, որ հղի է:

Ջիովաննան և Մուրիլիոն 2005 թվականի մայիսի 24-ին ունեցան որդի, որին անվանեցին Պիետրո: Նրանք բաժանվեցին 2007 թվականին:

2007 թվականի մայիսին Ջիովաննան ամուսնացավ ամերիկացի բիզնեսմեն Ռոբերտո Լուկասցիոյի հետ: Ճոխ հարսանիքից հետո, որը տեղի ունեցավ Իտալիայում, զույգը բաժանվեց: Նրանք համատեղ ապրեցին ընդամենը 4 ամիս:

Հիմա Ջիովաննան ամուսնացած է ռեժիսոր Լեոնարդո Նոգեյրայի հետ: Նրանք ունեն 2 աղջիկ՝ Անտոնի և Սոֆի: Սակայն նրանց ամուսնությունն օրինական չէ: