Ջեներալ Մոթորս

Վիքիպեդիայից՝ ազատ հանրագիտարանից
Ջեներալ Մոթորս
Изображение логотипа
Տեսակավտոմեքենա արտադրող
Հիմնադրված էսեպտեմբերի 16, 1908[1]
ՀիմնադիրՈւիլյամ Դյուրանտ և Չարլզ Մոտ
ՎայրԴետրոյթ, Միչիգան, ԱՄՆ[2]
Երկիր ԱՄՆ[3]
ՏնօրենՄերի Բառա[4]
Արդյունաբերությունավտոմոբիլային արդյունաբերություն
Ընդհանուր ակտիվներ208 մլրդ $ (դեկտեմբեր 2017)[5]
Հասույթ157 մլրդ $ (2022)[6]
Աշխատողների թիվ164 000 մարդ (2019)[7]
ՍտորաբաժանումներBuick?, GMC?, Chevrolet, Cadillac?, Pontiac? և Oldsmobile?
Դուստր ընկերություններHolden, Vauxhall, GM Financial, GM Korea, General Motors Canada, GM Global Technology Operations, General Motors do Brasil, General Motors India Private Limited, OnStar?, General Motors?, Baojun?, ACDelco?, UzAuto Motors?, Geo?, Cruise?, General Motors de Chile?, General Motors of Argentina?, General Motors de México?, General Motors Europe?, General Motors OBB?, General Motors Colmotores?, Marquette?, General Motors China?, General Motors (China) Investment?, GM Defense?, General Motors Specialty Vehicles?, GM Certified Service?, General Motors Japan?, Cadillac Europe?, Saturn Corporation?, GM Uzbekistan?, General Aviation Corp.? և Yellow Coach Manufacturing Company?
Կայքgm.com(անգլ.)
Մասնակից էOpen Automotive Alliance և Wireless Power Consortium?[8]
ԲորսաNYSEGM[9]
 General Motors Վիքիպահեստում

«Ջեներալ մոթորս ընկերություն» (անգլ.՝ General Motors Company, նախկինում հայտնի որպես` General Motors Corporation), լայնորեն հայտնի որպես «General Motors» կամ պարզապես «GM», ամերիկյան ավտոմոբիլային անդրազգային ընկերություն, որի գլխամասը գտնվում է ԱՄՆ Միչիգան նահանգի կենտրոն՝ Դետրոյթ քաղաքում։ Տվյալ պահին աշխարհի երկրորդ խոշորագույն մեքենա արտադրող ձեռնարկությունն է՝ զիջելով «Տոյոտային»։

GM-ը ներկա պահին ունի մոտ 209 000 աշխատակից և բիզնես-գործունեություն է ծավալում 157 երկրներում, իսկ մեքենաներ և բեռնատարեր արատադրում 31 երկրներում։ Ջեներալ մոթորսին են պատկանոմ (և համարվում դրա դիվիզիաները) Buick, Cadillac, Chevrolet, GMC, Opel, Vauxhall, Holden և այլ ավտոմեքենաների ֆիրմաներ։

Պատմություն[խմբագրել | խմբագրել կոդը]

Ընկերությունը ստեղծվել է 1908 թվականի սեպտեմբերի 16-ին՝ Միչիգանի Ֆլինտ քաղաքում՝ որպես Buick ֆիրմայի հոլդինգային ընկերություն։ Buick-ի այն ժամանակվա կառավարիչն էր Ուիլյամ Դյուրանտը, ով արդեն հաջողություններ ունեցել էր ձիաքարշ մեքենաների ասպարեզում, երբ իր ուղին հարթեց դեպի ավտոմոբիլային արդյունաբերություն։ GM-ի ստեղծողներից էր նաև Չարլզ Սթյուարթ Մոտտը, ով իր "Մոտտ հիմնադրամի" միջոցով բավականին լուրջ ներդրումներ կատարեց ընկերության հետագա զարգացման համար։ Տարիների ընթացքում Մոտտը դարձավ ընկերության ամենախոշոր բաժնետերը։ 1908 թ.-ի վերջում Մոտտը ձեռք է բերում Oldsmobile մեքենաների ընկերությունը (այժմ այլևս չի գործում)։ Իսկ 1909 թ.-ին Դյուրանտը ընկերությանն է միացնում նաև Cadillac, Elmore, Oakland և այլ ընկերություններ։ Բացի այդ, նույն տարում Դյուրանտը ձեռք է բերում միչիգանյան մի քանի բեռնատար արտադրող կոնցեռներ, որոնք դառնում են GMC մեքենաների նախատիպերը։ Սակայն 1910 թ.-ին Դյուրանտը կորցնում է իր պաշտոնը, քանի որ իր գնումների համար չափից դուրս մեծ պարտքեր էր վերցրել բանկերից, երբ մեքենաների վաճառքի շուկայում գների խիստ անկում էր գրանցվել։

Chevrolet Suburban-ը ամենաերկար կյանք ունեցող տեսակն է, որ արտադրվում է մինչ օրերս

Հաջորդ տարի Դյուրնատը հիմնում է «Շեվռոլե ընկերությունը» (Chevrolet Motor Car Company), և գաղտնիօրեն ձեռք բերում Ջեներալ մոթորսում հսկողական փաթեթ, և, փաստորեն, նորից վերականգնում դիրքերը։ 1916 թ.-ին Դյուրանտը ընկերությունը անվանափոխում է General Motors Company-ից General Motors Corporation։ Սակայն շուտով նորից է կորցնում պաշտոնը և այս անգամ՝ ընդմիշտ։ Դյուրանտին փոխարինելու է գալիս Ալֆրեդ Սլոունը, ում միջոցով ընկերությունը ժամանակի ընթացքում շուկայում գրավում է դոմինանտ դիրք։ 1980-ականներին Ջեներալ մոթորսը ուներ 349 000 աշխատակից։

1931-2007 թթ.-ը՝ 77 տարի շարունակ Ջեներալ մոթորսը գլխավորում էր ավտոմեքենաների համաշխարհային վաճառքը։ Չնայած 2008 և 2009 թվականներին այն դիրքերը զիջեց Տոյոտային, սակայն 2011-ին այն կրկին վերականգնեց դիրքերը։

Գործող ապրանքանիշները[խմբագրել | խմբագրել կոդը]

Ապրանքանիշը Տարին Շուկաները
Ամերիկայի Միացյալ Նահանգներ Buick 1903 Հյուսիսային Ամերիկա, Չինաստան, Թայվան, Իսրայել
Ամերիկայի Միացյալ Նահանգներ Cadillac 1902 Հյուսիսային Ամերիկա, Եվրոպա, Ասիա, Միջին Արևելք, Աֆրիկա
Ամերիկայի Միացյալ Նահանգներ GMC 1901 Հյուսիսային Ամերիկա, Միջին Արևելք
Ամերիկայի Միացյալ Նահանգներ Chevrolet 1911 Ամբողջ աշխարհում՝ բացի Ավստրալիայից ու Նոր Զելանդիայից
Միացյալ Թագավորություն Vauxhall 1925 Միացյալ Թագավորություն
Գերմանիա Opel 1929 Ամբողջ աշխարհում՝ բացի Հյուսիսային Ամերիկայից և Մեծ Բրիտանիայից
Ավստրալիա Holden 1948 Ավստրալիա, Նոր Զելանդիա

Ծանոթագրություններ[խմբագրել | խմբագրել կոդը]

Արտաքին հղում[խմբագրել | խմբագրել կոդը]