Պտղոմեոս Կլավդիոս
Վիքիպեդիայից՝ ազատ հանրագիտարանից
Պտղոմեոս Կլավդիոս (հունարեն՝ Κλαύδιος Πτολεμαῖος, Klaudios Ptolemaios; լատիներեն՝ Claudius Ptolemaeus; մոտ 90 –168, այլ տվյաներով՝ 70-147թթ.) հույն նշանավոր աշխարհագրագետ և տիեզերագետ, որի «Megale syntaxis» աշխատությունը, որը արաբ մատենագիրների միջոցով մեզ նաև հայտնի է «Ալմագեստ» անունով, երկար ժամանակ հիմք է ծառայել աստղագիտական և աշխարհագրական գիտության: Այդ աշխատության մեջ նա տվել է երկրակենտրոն իր համակարգը, որը իշխող է հանդիսացել մինչև Նիկոլայ Կոպեռնիկոսը: Նրա մյուս կարևոր աշխատությունը «Աշխարհագրությունն» է, որից օգտվել է Անանիա Շիրակացին և նրան անունով հիշում է մի քանի անգամ:
