Պուլի բնակավայր

Վիքիպեդիայից՝ ազատ հանրագիտարանից
Պուլի բնակավայրի դիրքը Էստոնիայի քարտեզին

Պուլի բնակավայր (էստ.՝ Pulli asula), Էստոնիայում մարդու հնագույն բնակության հետքեր պարունակող բնակավայր։

1967 թվականին Պյառնու գետի աջ ափին, Էստոնական Սինդի քաղաքից ոչ հեռու գտնվող Պուլի կոչվող տեղանքում հայտնաբերվել են մեզոլիթի շրջանի մարրդու կայանատեղ։ Կենդանիների ոսկորների կտորների և ածուխի մնացորդների ուսումնասիրության հիման վրա բնակավայրը թվագրվել է մոտավորապես մ. թ. ա. 9500-9600 թվականներ[1][2]։

1969-1974 թվականների պեղուների արդյունքում գտնվել են կայծքարից և ոսկորից պատրաստվախ իրեր, ըստ որի կարծիք է ձևավորվել, որ բնակիչները եկել են հարավից և եղել են Կունդսյան մշակույթի կրողներ։ Գիտնականները պնդում են, որ Պյառնուի միջագետքում մարդիկ ապրել են դեռևս մ. թ. ա. 7000 թվականից առաջ։ Պուլի կայանատեղին առայժմ համարվում է Էստոնիայի տարածքում հայտնաբերված ամենահին բնակավայրը։


Ծանոթագրություններ[խմբագրել]