Պոնտե Վեկյո
Պոնտե Վեկյո (Հին կամուրջ, իտալերեն՝ Ponte Vecchio, կարդացվում է՝ ponte ˈvɛkkjo)[1][2] — կամուրջ է Առնո գետի վրա, Ֆլորենցիայում։ Գետի ամենանեղ մասում է կառուցված, Ուֆֆիցի պատկերասրահի դիմաց։
Բովանդակություն |
[խմբագրել] Կամրջի պատմությունը
Պոնտե Վեկյոն Ֆլորենցիայի ամենահին կամուրջն է և միակը, որ մնացել է իր նախնական տեսքով։ Կամուրջը այն տեղում է, որտեղ եղել են հին հռոմեական կամուրջ, որը քանդվել է 1117 թվականին և նրան հաջորդած՝ 1333 թվականի Առնոյի ջրհեղեղից քանդված կամուրջը։
[խմբագրել] Կառույցի առանձնահատկությունները
Ներկա կամուրջը կառուցել է Ների դի Ֆյորավանտին 1345 թվականին։ Կառույցը երեք կամարով, 30 մետր երկարությամբ, ամուր և գեղեցիկ, քարե կամուրջ է։ Պոնտե Վեկյոի առանձնահատկությունը՝ երկու կողմից տների շարքն է, որը ընդհատվում է մեջտեղում, բացելով դիտահրապարակ, որտեղից կարելի էդիտել քաղաքի մյուս կամուրջները։
[խմբագրել] Կիրառական առանձնահատկությունները
Կառույցի վրայով անցնում է Վազարիի միջանցքը (անվանված է ճարտարապետ Ջորջո Վազարիի անունով), որը կապում է պալացո Վեկյոն պալացո Պիտիին։ Կառուցվել է, որպեսզի Կոզիմո I Մեդիչին անվտանգ անցներ մի շինությունից մյուսը։ 16-րդ դարից կամրջի կրպակները վերածվեցին ոսկերչական արհեստանոցների և խանութների։ Այդ պատճառով կամուրջը կոչվում է նաև «Ոսկե կամուրջ»։ Ոսկերչական կրպակները խիստ վնասվել են 1966 թվականի ջրհեղեղի ժամանակ։ Կամրջի վրա է գտնվում քանդակագործ և ոսկերիչ Բենվենուտո Չելինիի կիսանդրին։[3]
[խմբագրել] Հղումներ
- ↑ (2007) Ponte Vecchio. Encyclopædia Britannica. (անգլ.)
- ↑ «Dizionario d'ortografia e di pronunzia»։ Rai։ http://www.dizionario.rai.it/poplemma.aspx?lid=29221&r=973։ (իտալ.)
- ↑ Պոնտե Վեկյոյի մասին Ֆլորենցիայի Արվեստի պատմության ինստիտուտի կայքում
