Պերճ Պռոշյանի տուն-թանգարան
Պերճ Պռոշյանի տուն-թանգարան | |
|---|---|
 | |
| Տեսակ | հուշային թանգարան |
| Երկիր |  Հայաստան[1] |
| Տեղագրություն | Պռոշյան 4, Աշտարակ, Արագածոտնի մարզ, Հայաստան |
| Կազմված է | Պերճ Պռոշյանի կիսանդրի |
| Հասցե | Պռոշյան փող., 10[1] |
| Հիմնադրվել է | 1948 |
 | |
 | |
Պերճ Պռոշյանի տուն-թանգարան, հիմնադրվել է 1948 թվականին, Աշտարակում, հայ դասական գրող Պերճ Պռոշյանի (1837-1907 թթ.) հայրական տան հիման վրա։ Ե. Չարենցի անվան գրականության և արվեստի թանգարանի մասնաճյուղն է։ Ընդգրկված է Աշտարակի պատմության և մշակույթի անշարժ հուշարձանների ցանկում։
Պատմություն[խմբագրել | խմբագրել կոդը]
Թանգարանը հիմնադրվել է 1948 թվականի մայիսի 16-ին մեծանուն գրողի ծնված տան տեղում։ Սկզբում թանգարանն իրենից ներկայացրել է Պռոշյանների տան հացատունն ու երկու փոքրիկ սենյակները, հետագայում՝ 1965 թվականին կառուցվել է ևս մեկ սենյակ։ Թանգարանի երկհարկանի շենքը կառուցվել է 1990 թվականին։ Շենքում կա նաև մառան, թոնրատուն, որտեղ հավաքված են 18-19-րդ դդ. պղնձե, կավե, փայտյա կենցաղային իրեր, սպասք։ Մյուս սրահներում ցուցադրված են Պռոշյանի կյանքին, գրական-հասարակական գործունեությանը վերաբերվող նյութեր, նկարներ, անձնական իրեր։
Թանգարանը հիմնադրվել է, գրող, սովետահայ գրողների միության առաջին քարտուղար Վահրամ Ալազանի, ջանքերով, Աշտարակում՝ որպես աքսորավայր գտնվելու ժամանակ («Իմ կյանքի ողբերգությունը»Մարո Ալազան)։
Ցուցադրություն[խմբագրել | խմբագրել կոդը]
Հուշային տանը կից կառուցվել է երեք ցուցասրահ, որոնցից մեկը կահավորված է գրողի անձնական իրերով, մյուս երկուսում ցուցադրված են նրա կյանքին ու գործունեությանը վերաբերող նյութեր, որոնք հիմնականում ձեռք են բերվել Պռոշյանի ժառանգների նվիրատվությամբ։
Տուն-թանգարանն ունի 2000-ից ավելի հուշային և օժանդակ նյութեր, որոնք ներկայացնում են Պռոշյանի գրական, մանկավարժական, հասարակական գործունեությունը[2]։ Տուն-թանգարանը վերանորոգվել է 2008 թվականին, նորացվել է նաև ցուցադրությունը։
Թանգարանի բակում է գտնվում Պերճ Պռոշյանի հուշարձանը (քանդակագործ՝ Սուրեն Ստեփանյան)։
Միջոցառումներ[խմբագրել | խմբագրել կոդը]
Թանգարանը համարվում է Աշտարակի գործուն մշակութային օջախներից է մեկը։ Այստեղ պահպանվում է Պռոշյանի հիշատակը, պրոպագանդվում նրա ստեղծագործությունը, կազմակերպվում են միջոցառումներ։
Հասցե[խմբագրել | խմբագրել կոդը]
Թանգարանը գտնվում է Արագածոտնի մարզի Աշտարակ քաղաքում, Պռոշյան 4 հասցեում։
|
Հայաստանի պատմության և մշակույթի անշարժ հուշարձան, օբյեկտ № 2.1/31 |