Պեդրո Ալմոդովար

Պեդրո Ալմոդովար
ռեժիսոր
ԱԱՀ՝	Պեդրո Ալմոդովար
Ծննդյան օր՝	սեպտեմբերի 25, 1949
Ծննդավայր՝	Կալսադա-դեԿալատրավա, Իսպանիա
Ազգություն	Իսպանիա
Աշխատանք՝	1974-ից մինչ օրս
Կայք՝	http://www.pedroalmodovar.es/

Պեդրո Ալմոդովար (իսպ. Pedro Almodóvar Caballero, սեպտեմբերի 25, 1949) իսպանացի ռեժիսոր, սցենարիստ, պրոդյուսեր, գրող և երգիչ:
Մեր ժամանակների ամենահայտնի ռեժիսորներից մեկն է: Տարբեր երկրների ու փառատոնների մոտ 90 կինոմրցանակ է ստացել:

Կենսագրություն

Պեդրո Ալմոդովարը ծնվել է Իսպանիայում Լակսադա-դե-Կալատրավա քաղաքում: 8 տարեկանում ընտանիքով տեղափոխվել է Էստրեմադուր քաղաք, որտեղ սովորել է սկզբում սալեզինյան, ապա ֆրանսիական դպրոցում:

16 տարեկան հասակում մենակ, առանց ընտանիքի տեղափոխվել է Մադրիդ: Փոխելով շատ մասնագիտություններ հաստատվում է աշխատանքի «Տելեֆոնիկա» ընկերությունում: Դառնում է «Los Goliardos» թատրոնի խմբի անդամ: Խաղում է փոքր դերեր պրոֆեսիոնալ թատրոնում, որտեղ ծանոթանում է դերասանուհի Կարմեն Մաուրոյի հետ, ով հետագայում նկարահանվում է Ալմոդովարի ֆիլմերում: Ապա ընկերների հետ հիմնում է պանք-գլեմ-ռոք ոճի երաժշտական խումբ: Գրում է պատմություններ, որոնցից շատերը հրապարակվում են:

Կարիերա

1980 թվականին նկարահանում է իր առաջին լիամետրաժ ֆիլմը` «Պեպին, Լյուսին, Բոմը և մյուս աղջիկները»: Ֆիլմի հիմքում իր իսկ «Հաժախակի էրեկցիաներ» («Erecciones generales») նովելն է, որը նա գրել էր «El Víbora» լրագրի պատվերով: Ֆիլմի համար մոտ կես միլլիոն պեսետ, հայթայթում է «Los Goliardos» խմբի անդամներից մեկը և Կարմեն Մաուրան, ով ֆիլմում խաղում է գլխավոր դերերից մեկը: Ֆիլմը անսպասելի մեծ հաջողություն է ունենում դառնալով այդ ժամանակվա կուլտային հիթերից մեկը և գրեթե 4 տարի գիշերային ցուցադրությամբ ցուցադրվում է:

Առաջին մեծ հաջողությունը Ալմոդովարը ունենում է «Ինչի՞ համար է սա ինձ» ֆիլմի համար: «Նյու Յորք Թայմս» թերթը այսպես է գրում ֆիլմի մասին, «... հրաշալի սև կատակերգություն, ուղղակի փոքր գլուխգործոց»:

1985 թվականին եղբոր` Ավգուստին Ալմոդովարի հետ հիմնում է «El Deseo» պրոդյուսերական ընկերությունը, որի առաջին աշխատանքը դառնում է 1986 թվականին Ալմոդովարի «Ցանկության օրենքը» ֆիլմը: Հետագայում «El Deseo» ընկերությունը աշխատում է իսպանացի շատ այլ նշանավոր ռեժիսորների հետ նույնպես (Ալեքս դե լա Իգլեսիա, Գիլերմո դել Տորո, Դանիել Կալպարսորո, Մոնիկա Լագունա, Իզաբել Կոյշետ և այլն): Համաշխարհային ճանաչում Պեդրո Ալմոդովարին բերեց «Կանայք նյարդային պոռթկման եզրին» ֆիլմը: Ֆիլմը ստանում է մոտ 50 կինոմրցանակ:

1999 թվականին Ալմոդովարը նկարահանում է «Ամեն ինչ մորս մասին» ֆիլմը, որը նույնպես մեծ հաջողություն է ունենում, արժանանալով կինոքննադատների բարձր գնահատականին, և ստանում է Օսկար մրցանակ հեղիանակավոր Օսկար լավագույն օտարալեզու ֆիլմի համար անվանակարգում: 2002 թվականին նկարահանված «Խոսիր նրա հետ» ֆիլմը նույնպես նրան բերում է տասնյակ կինոմրցանակներ, այդ թվում Օսկար լավագույն սցենարի համար անվանակարգում:

2006 թվականին նկարահանած «Վերադարձ» ֆիլմը հետաքրքիր մրցանակ է ստանում Կաննի կինոփառատոնում, հաղթող ճանաչվելով «Լավագույն դերասանուհի» անվակարգում, իսկ մրցանակը ստանում են ֆիլմի միանգամից 6 դերասանուհի միասին` Պենելոպե Քրուզ, Կարմեն Մաուրա, Լոլե Դուենյաս, Բլանկա Պորտիլո, Յոանե Կոբո և Չուս Լամպրավե:

2011 թվականին Կաննի կինոփառատոնի մրցութային ծրագրի շրջանակներում կայանում է նրա «Մաշկը, որի մեջ ես ապրում եմ» ֆիլմի պրեմիերան, որի հիմքում ֆրանսիացի գրող Թիերի Ժոնկեի «Տարանտուլ» (ֆրանս. Mygale) ստեղծագործությունն է:

Ֆիլմագրություն

Պեդրո Ալմոդովարը և Պենելոպե Քրուզը

Ընդհանուր թվով նկարահանել է 32 ֆիլմ, որոնց համար հիմնականում ինքն է գրել սցենար: Խաղացել է 10 ֆիլմում, 11 ֆիլմի կոմպոզիտոր է, 13 ֆիլմի պրոդյուսեր է:
Առավել նշանավոր ֆիլմերն են.

տարի	անվանում	բնօրինակ անվանում	դերասաններ
1980	Պեպին Լյուսին, Բոմը և մյուս աղջիկները	Pepi, Luci, Bom y otras chicas del montón	Կարմեն Մաուրա
1982	Կրքերի լաբիրինթոս	Laberinto de pasiones	Սեսիլյա Ռոտ
1984	Ինչի՞ համար է սա ինձ	¿Qué he hecho yo para merecer esto?
1986	Մատադոր	Matador
1987	Ցանկության օրենքը	La ley del deseo	Անտոնիա Բանդերաս Կարմեն Մաուրա Ռոսսի դե Պալմա
1988	Կանայք նյարդային պոռթկման եզրին	Mujeres al borde de un ataque de nervios	Անտոնիա Բանդերաս Կարմեն Մաուրա Ռոսսի դե Պալմա
1990	Կապիր ինձ	¡Átame!	Անտոնիա Բանդերաս Վիկտորիա Աբրիլ Ռոսսի դե Պալմա
1991	Բարձր կրունկներ	Tacones lejanos	Վիկտորիա Աբրիլ
1993	Կիկա	Kika	Վիկտորիա Աբրիլ Ռոսսի դե Պալմա
1995	Իմ գաղտնիքի ծաղիկը	La flor de mi secreto	Ռոսսի դե Պալմա
1997	Կենդանի մարմին	Carne trémula	Խավիեր Բարդեմ Պենելոպե Քրուզ
1999	Ամեն ինչ մորս մասին	Todo sobre mi madre	Սեսիլյա Ռոտ Պենելոպե Քրուզ
2002	Խոսիր նրա հետ	Hable con ella	Ջերալդինա Չապլին
2004	Վատ դաստիարակություն	La mala educación	Գաել Գարսիա Բեռնալ
2006	Վերադարձ	Volver	Պենելոպե Քրուզ Կարմեն Մաուրա
2009	Կաննիբալ-խորհրդատուհին (կարճամետրաժ)	La concejala antropofaga
2011	Մաշկը, որի մեջ ես ապրում եմ	La piel que habito	Անտոնիա Բանդերաս

Մրցանակներ

Պեդրո Ալմոդովարը մեր ժամանակների ամենաշատ մրցանակ ստացած ռեժիսորներից է: Ստացել է 92 տարբեր երկրների մրցանակ, ներկայացված է եղել ևս 68-ի: Դրանցից են

2 «Օսկար»

• 1999 — Օսկար լավագույն օտարալեզու ֆիլմի համար («Ամեն ինչ մորս մասին»)
• 2003 — Լավագույն սցենար («Խոսիր նրա հետ»)

Կաննի կինոփառատոնի 2 մրցանակ

• 1999 — Լավագույն ռեժիսոր («Ամեն ինչ մորս մասին»)
• 2006 — Լավագույն սցենար («Վերադարձ»)

«Եվրոպական կինոակադեմիայի Ֆելիքս մրցանակ 1988 — Լավագույն ֆիլմ («Կանայք նյարդային պոռթկման եզրին») և այլն

2 «Ոսկե Գլոբուս»

• 1999 — Լավագույն արտասահմանյան ֆիլմ («Ամեն ինչ մորս մասին»)
• 2003 — Լավագույն արտասահմանյան ֆիլմ («Խոսիր նրա հետ»)

4 «Գոյա»

• 1988 — Լավագույն ֆիլմ («Կանայք նյարդային պոռթկման եզրին»)
• 1988 — Լավագույն օրիգինալ սցենար («Կանայք նյարդային պոռթկման եզրին»)
• 1999 — Լավագույն ֆիլմ («Ամեն ինչ մորս մասին»)
• 1999 — Լավագույն ռեժիսոր («Ամեն ինչ մորս մասին»)

3 «BAFTA»

• 1999 - Լավագույն արտասահմանյան ֆիլմ («Ամեն ինչ մորս մասին»)
• 1999 - Լավագույն ռեժիսոր («Ամեն ինչ մորս մասին»)
• 2003 - Լավագույն արտասահմանյան ֆիլմ («Խոսիր նրա հետ»)
• 2003 - Լավագույն օրիգինալ սցենար («Խոսիր նրա հետ»)

Արտաքին հղումներ

• Պեդրո Ալմոդովարի պաշտոնական կայք
• IMDb-ում Պեդրո Ալմոդովարի էջ
• КиноПоиск կայքում
• Պեդրո Ալմոդովարի պաշտոնական կայք (ռուս.)
• կենսագրություն, ֆիլմեր (ռուս.)
• հարցազրույց Ալմոդովարի հետ
• Ալմոդովարի մասին «Սեանս» ամսագրում
• Ֆեդորով Ա. Վ. Premiere. 1995. N 26. С.65-67.
• Ալմոդովարի վաղ կարիերայի քննարկման հոդված