Պահեստի անցյալի մասին շատ քիչ տեղեկություններ են պահպանվել։ Ընդգրկել է մոտ 60 - 70 բնակելի և այլ շինություններ։ Հայերը տեղահան են արվել XIX դ. կեսերին։ Ինչպես Ճահուկի մյուս բնակավայրերի հուշարձանները, այնպես էլ Պահեստի եկեղեցին և գերեզմանատունը ավերակների է վերածվել 1900-ական թվականներին։ Ստեփանոս Օրբելյանի հարկացուցակի համաձայն այս բնակավայրը XIII դ. Տաթևի վանքին վճարում էր 12 միավոր հարկ[2]։