Պահածոյացված ձուկ
Պահածոյացված ձուկ, թիթեղյա հերմետիկ ամաններում պահածոյացված ձկնամթերք, որն արտադրվում է թարմ, հովացրած, սառեցրած, ապխտած, մասնակի չորացրած ձկներից։ Տարբերվում են՝ բնական, բուսական յուղերով և տոմատի սոուսով ձկնային, ինչպես նաև ձկնաբանջարեղենային պահածոներ, պրեսերվներ։
Պահածոներն անվանվում են կոնկրետ ձկնատեսակի անվամբ։ Առավել տարածված են սաղմոնի, թյուննոսի, ձողաձկան և բազմաթիվ այլ տեսակի ձկնային պահածոները։
Մանրէների առաջացման և տարածման մակարդակներում ձկներն աչքի են ընկնում ցածր թթվայնությամբ, ուստի սննդի անվտանգության տեսանկյունից նմանատիպ ցածր թթվայնության սննդատեսակները (pH > 4,6) ենթարկվում են բարձր ջերմաստիճանով (116-130°C) ստերիլացման։ Ստերիլացման ժամանակ եռման կետից ավելի բարձր ջերմաստիճանային պայմանների հասնելու համար օգտագործվում են հերմետիկ ճնշումային ամաններ։ Ստերիլացումից հետո թիթեղյա ամանը թույլ չի տալիս, որ մանրէները ներթափանցեն ներսի զանգվածի մեջ[1]։
Գրականություն[խմբագրել | խմբագրել կոդը]
- «Պահածոյացման տեխնոլոգիա», Ժ. Գ. Աղաջանյան, խմբ. Ա. Ա. Ֆահրադյան. - Երևան։ «ՀՊԱՀ», 2011, Մաս 1 - 405 էջ
Ծանոթագրություններ[խմբագրել | խմբագրել կոդը]
- ↑ Ուիլյամ Շավեր (2009 թ․ հունվարի 9). «Տնային պայմաններում պահածոյացվող տոմատներ». Extension.umn.edu. Արխիվացված է օրիգինալից 2010 թ․ հուլիսի 16-ին. Վերցված է 2010 թ․ հուլիսի 14-ին.
|
Սա ուտեստի և ըմպելիքի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |