Չորացրած ձուկ, ձկնամթերք, որը պատրաստվում է հյուծված, աղը դրած կամ անալի ձկներից։ Վերջիններս պետք է պարունակեն առնվազն 2-3 % ճարպ։
Չորացրած ձկնամթերքները պատրաստում են բնական սառը կամ արհեստական չորացման եղանակներով։ Բնական եղանակով չորացնելիս ձուկը ջրազրկում են 35 °C-ից ոչ բարձր ջերմաստիճանում, իսկ արհեստականի դեպքում՝ տաք վառարաններում՝ 200 °C-ի պայմաններում։ Արդյունաբերական տեխնոլոգիայով կատարում են նաև այսպես կոչված՝ սուբլիմացիոն չորացում և ջրազրկում ինֆրակարմիր ճառագայթներով տաքացնելու միջոցով։ Չորացնելիս ձկան հասունացում տեղի չի ունենում. այն ընդամենը ջրազրկվում է։ Խոհարարական մշակման ենթարկվելուց առաջ, անհրաժեշտություն է առաջանում այն թրջել և նախապատրաստել։