Ուրոլոգիա
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Միզաբանություն կամ Ուրոլոգիա (հունարեն՝ οὖρον – մեզ, λογία – գիտություն), բժշկության ոլորտ, որն զբաղվում է հավասարապես արական և իգական սեռի ներկայացուցիչների միզուղիների հիվանդությունների ուսումնասիրությամբ և բուժմամբ, ինչպես նաև տղամարդկանց վերարտադրողական համակարգի խնդիրներով։
Ուրոլոգիան հանդիսանում է վիրաբուժության ճյուղ, հետևաբար՝ ի տարբերություն նեֆրոլոգիայի, ուրոլոգիան հիմնականում զբաղվում է վերը նշված օրգան համակարգերի հիվանդությունների վիրաբուժական բուժմամբ։
Հատուկ ուրոլոգիական հիվանդությունների ախտորոշմամբ և բուժմամբ զբաղվող բժիշկը կոչվում է ուրոլոգ։
Ենթակարգեր[խմբագրել | խմբագրել կոդը]
Ուրոլոգիան՝ որպես բժշկության ոլորտ, որն ուսումնասիրում է տարբեր օրգաններ և ֆիզոլոգիական համակարգեր, իր հերթին կարող է բաժանվել մի քանի ենթակարգերի, որոնցից յուրաքանչյուրն ունի ավելի նեղ ուղղվածություն։
Անդրոլոգիա[խմբագրել | խմբագրել կոդը]
Զբաղվում է տղամարդկանց վերարտադրողական համակարգի հիվանդությունների ուսումնասիրությամբ, ախտորոշմամբ և բուժմամբ։
Ուրոգինեկոլոգիա[խմբագրել | խմբագրել կոդը]
Հենց այս գիտության անվանումը արտացոլում է նրա էությունը՝ ուրոլոգիա և գինեկոլոգիա։ Այն ուսումնասիրում է կանանց միզային համակարգի հիվանդությունների առաջացման պատճառները, ախտանիշները, բուժումը և կանխարգելումը՝ հաշվի առնելով զուգահեռ ընթացող գինեկոլոգիական ախտաբանությունը (պաթոլոգիան)։
Նեյրոուրոլոգիա[խմբագրել | խմբագրել կոդը]
Գիտություն է, որը ուսումնասիրում, ախտորոշում, բուժում և կանխարգելում է միզասեռական համակարգի այն հիվանդությունները, որոնք պայմանավորված են նյարդային համակարգի խանգարումներով։
Օնկոուրոլոգիա[խմբագրել | խմբագրել կոդը]
Օնկոուրոլոգիան (հունարեն՝ ονκος - ուռուցք, οὖρον – մեզ, λογία – գիտություն) ուսումնասիրում է միզասեռական համակարգի ուռուցքային հիվանդությունները, դրանց առաջացման պատճառները և ախտաբանությունը, ինչպես նաև մշակում է մեթոդներ՝ ուղղված այդ հիվանդությունների ախտորոշմանը, կանխարգելմանը և բուժմանը։
Մանկական ուրոլոգիա[խմբագրել | խմբագրել կոդը]
Մանկական ուրոլոգիան զբաղվում է երեխաների և դեռահասների մոտ միզասեռական համակարգի հիվանդությունների և զարգացման արատների հայտնաբերմամբ և բուժմամբ։