Ուսոտանիներ

Վիքիպեդիայից՝ ազատ հանրագիտարանից
Ուսոտանիներ
Գիտական դասակարգում
Թագավորություն Կենդանիներ
Տիպ Ուսոտանիներ
Լատիներեն անվանում
Brachiopoda
Duméril, 1806[1]
Հոմանիշներ

Palliobranches de Blainville, 1814[1]
Spirobranchiophora Gray, 1821[1]
Palliobranchiata de Blainville, 1824[1]
Brachionopoda Agassiz, 1848[1]
Brachionacephala Bronn, 1862[1]
Brachionoconchae Bronn, 1862[1]


Դասակարգումը
Վիքիցեղերում


Պատկերներ
Վիքիպահեստում




Ուսոտանիներ (լատին․՝ Brachiopoda), անողնաշարավոր կենդանիների տիպ։ Ծովային նստակյաց ձևեր են։ Մինչե 10 սմ երկարությամբ մարմինը փորի և մեջքի կողմից պարփակված է կրային խեցու մեջ, որի երկու փեղկերը միանում են իրար հատուկ մկաններով կաս ատամիկներից և փոսիկներից կազմված փականով։ Հատակին ամրանում են մարմնի ետին մասից դուրս եկող ցողունիկով։ Մարմինը գրավում է խեցու ետին մասը, իսկ առջեի մասը պատված է թիկնոցով և կրում է իր մեջ 1 զույգ երկար, ոլորված հավելված՝ «ձեռքեր»։ Դրանց վրա կան թարթչապատ շոշափուկներ, որոնք թիկնոցի խոռոչում ջրի հոսք առաջացնելով, ապահովում են ուսոտանիներին սննդով և թթվածնով։ Բերանը տեղավորված է «ձեռքերի» հիմքում, որոշ տեսակների աղիքը կույր է վերջանում։ Ունեն մարմնի երկրորդային խոռոչ, արյունատար համակարգ, շուրջկլանային նյարդային հանգույց և նյարդեր։ Բաժանասեռ են, զարգանում են կերպարանափոխությամբ, թրթուրն ազատ լողացող է։ Հայտնի է ուսոտանիների շուրջ 200 ժամանակակից և 7000 բրածո տեսակ։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։