Ուշահիդի
Ուշահիդի (աֆրիկյան սուահիլի լեզվից թարգմանվում է որպես «վկայություն» կամ «վկա»), ազատ կոդով և անվճար տարածվող ծրագրային հարթակ է, որը թույլ է տալիս ստանալ որևէ խնդրի շուրջ, օրինակ՝ աֆրիկայում ազգամիջյան բախումների ժամանակ տեղի ունեցող բռնությունների վերաբերյալ ականատեսների վկայությունները էլեկտրոնային փոստի կամ տեքստային կարճ հաղորդագրությունների միջոցով ստանալ և տեղադրել Գուգլ Մեփս[1] էլեկտրոնային վեբ քարտեզի վրա և ստացվող «վկայությունների քարտեզը» արտապատկերել ցանկացած կայքէջում։
Ուշահիդի համակարգը, այսպիսով, օգտագործում է քրաուդսորսինգի՝ «հանրային ջանքի» գաղափարը սոցիալական ակտիվիզմի, հանրային հաշվետվողականության խրախուսման համար՝ օգտագործելով ակտիվիզմի, քաղաքացիական լրագրության և գեոտարածական տվյալների համադրությունը, որն այլ կերպ կոչվում է «ակտիվսիտային քարտեզագրում»։
Կառուցվածք[խմբագրել | խմբագրել կոդը]
Ուշահիդի հարթակը հիմնված է Կոհանա (անգլ.՝ Cohana) վեբ-կմախքի վրա (ԿոդԻգնայտեր անգլ.՝ CodeIgniter կմախքի ճյուղավորում)։ Այն պարունակում է Նեքսմո և Քլիքաթել կարճ հաղորդագրությունների ուղարկման համակարգերի ներդրված սատարում։ Ուշահիդիի պաշտոնական հոսթինգ հարթակում տեղակայված կայքերը օգտվում են կարճ հաղորդագրություններ ուղարկելու առևտրային ծառայությունից[2]։ Ուշահիդին հնարավորություն է տալիս միջներեսում օգտագործել ՕփենՍթրիթՄեփի քարտեզներ, սակայն միևնույն է պահանջում է Գուգլ Մեփսի ԷյՓիԱյ աշխարհագրական կոդավորման (գեոկոդինգի) համար։
Ուշահիդիի առանձին տեղակայումներ, որպես կանոն, գործածում են կարճ հաղորդագրությունների տեղական ծառայությունները։
Ծանոթագրություններ[խմբագրել | խմբագրել կոդը]
- ↑ Megha Baree (2008 թ․ նոյեմբերի 20). «Citizen Voices». Forbes Magazine. Վերցված է 2010 թ․ հունվարի 15-ին.
- ↑ «SMS Helps Provide Instant SOS During Times of Crisis - Clickatell and Ushahidi Urge Support to Haiti». Արխիվացված է օրիգինալից 2010 թ․ հունվարի 24-ին. Վերցված է 2011 թ․ նոյեմբերի 12-ին.
Արտաքին հղումներ[խմբագրել | խմբագրել կոդը]
- Ուշահիդի պաշտոնական կայքը
- "Remixing the Web for Social Change" (անգլերեն)
- ԹԵԴ (կոնֆերանս)։ ԹԵԴ ներկայացումներ Ուշահիդիին նվիրված (անգլերեն, այլ լեզուներով ենթագրեր)
- Ինտերակտիվ Լրագրության Ինստիտուտ Արխիվացված 2013-01-24 Wayback Machine (անգլերեն)
- Յունայթեդ ֆոր Աֆրիքա (անգլերեն)
- Ուշահիդի Նեքմո հավելման օգտագործման ուղեցույց Արխիվացված 2011-11-10 Wayback Machine (անգլերեն)
- Կանաչ․ամ Փրկենք ծառերը։ Հայաստանի համար նախատեսված Ուշահիդի համակարգով գործող կայք Արխիվացված 2021-01-20 Wayback Machine (անգլերեն)