Ուղեծրի էլեմենտներ

Ուղեծրի էլեմենտներ, երկնային մարմինների ուղեծրերի բնութագրող տարրեր:

Երկնային մեխանիկայի խնդիրներից մեկն է երկնային մարմինների ուղեծրերի բնութագրումը: Մոլորակի, արբանյակի, աստերոիդի կամ Արհեստական արբանյակի ուղեծիրը նկարագրելու համար օգտագործվում են այսպես կոչված ուղեծրային էլեմենտները: Նրանք բնութագրում են բազային կոորդինատային համակարգը, կոորդինատային առանցքները, ուղեծրի ձևը և չափը, նրա կողմնորոշումը տարածության մեջ և ժամանակի պահը, որի ընթացքում երկնայիմ մարմինը գտնվում է ուղեծրի որոշակի կետում: Երկնայիմ մարմինների տեղորոշման համար հիմնականում օգտագործվում են երկու տարբերակ`

• Տեղադրության և արագության վեկտորների միջոցով
• Ուղեծրային էլեմենտների միջոցով

Կեպլերի ուղեծրի էլեմենտներ

     Հիմնական հոդված ՝ Կեպլերի ուղեծրի էլեմենտներ

Ուղեծրի էլեմենտներ

Ավանդաբար որպես ուղեծրի էլեմենտներ օգտագործում են վեց Կեպլերի ուղեծրի էլեմենտները`

• մեծ կիսաառանցք ($a\,\!$)
• էքսցենտրիսիտետ ($e\,\!$)
• ուղեծրի թեքում ($i\,\!$)
• պերիկենտրոնի արգումենտ ($\omega\,\!$)
• ծագման հանգույցի երկայնություն ($\Omega\,\!$)
• միջին անոմալիա ($M_o\,\!$)

Այլ ուղեծրի էլեմենտներ

Անոմալիաներ

Անոմալիաներ

Անոմալիա (երկնային մեխանիկայում), անկյուն է, որն օգտագործվում է մարմնի էլիպտիկ ուղեծրով շարժման բնութագրման համար: Իրական անոմալիան v իրենից ներկայացնում է անկյուն, որն ընկած է B մարմինը և էլիպսի կիզակետ` F կետի (որտեղ գտնվում է ձգողության մարմինը) հետ միացնող ուղղի և F կետը էլիպսի պերիկենտրոնի հետ միացնող ուղղի միջև:

Միջին անոմալիա, միջին շարժման հարաբերությունն է պերիկենտրոնի անցումից հետո ընկած ժամանակահատվածին այն մարմնի համար, որը շարժվում է ուղեծրով առանց արտաքին ազդեցությունների: Այսպես, միջին անոմալիան դա անկյունային հեռավորությունն է այն հիպոթետիկ մարմնի պերիկենտրոնից, որը շարժվում է հաստատուն անկյունային արագությամբ, որը հավասար է միջին շարժմանը:

Էքսցենտրիկ անոմալիա (Նշանակվում է` E), ցուցանիշ է, որը օգտագործվում է շառավիղ-վեկտորի փոփոխականի բնութագրելու համար: Հավասարումը որը կապում է այդ մեծություննրը ունի հետևյալ տեսքը`

$r = a(1-e \cdot \cos E)$,

որտեղ`

a — մեծ կիսաառանցք,

e — Էլիպտիկ ուղեծրի Էքսցենտրիսիտետ:

Այս հավասարումը դուրս է բերվում հետևյալ հավասարումներից $cos E = x / a$; $r^2 = (c-x)^2 + y^2$ և $y^2 = (1 - x^2/a^2)b^2$, որտեղ x, y — կետի կոորդինատները; P, r — այս կետից հեռավորությունն է մինչև նկարի վրա պատկերված s կիզակետը:

Իրական անոմալիա, անկյուն է, որն ընկած է մեծ կիսաառանցքի և կիզակետից ($\angle ZSP$) կետը ուղղված վեկտորի միջև: Հաշվարկվում է պերիկենտրոնից:

Լայնության արգումենտ

Երկնային մեխանիկայում, Լայնության արգումենտը ($u$), դա անկյունային չափորոշիչ է, որը բնութագրում է Կեպլերի ուղեծրով շարժվող մարմնի դիրքը: Դա հաճախ օգտագործվող իրական անոմալիայի և պերիկենտրոնի արգումենտի գումարն է, որը առաջանում է շառավիղ-վեկտորի և հանգույցների գծի միջև: Հաշվարկվում է ծագման հանգույցից շարժման ուղղությամբ:

$u = \nu + \omega$

որտեղ` $u$ — լայնության արգումենտ, $\nu$ — իրական անոմալիա և $\omega$ — պերիկենտրոնի արգումենտ:

Անոմալիստիկ պտույտի պարբերություն

Անոմալիստիկ պտույտի պարբերություն, ժամանակի հատված է, որի ընթացքում էլիպտիկ ուղեծրով շարժվող մարմինը, երկու անգամ հաջորդաբար անցնում է պերիկենտրոնով: