Ուլրիխ Զայդլ

Ուլրիխ Զայդլ; Ulrich Seidl
Ծնվել է	նոյեմբերի 24, 1952 (71 տարեկան)
Ծննդավայր	Վիեննա, Ավստրիայի բռնազավթումը դաշնակիցների կողմից
Քաղաքացիություն	Ավստրիա
Կրթություն	Վիեննայի երաժշտության և կատարողական արվեստի համալսարան
Մասնագիտություն	կինոռեժիսոր, սցենարիստ, կինոպրոդյուսեր, գրող և օպերատոր-բեմադրիչ
Աշխատանք	1980 - ցայսօր
Պարգևներ և ; մրցանակներ	Վիեննա քաղաքին մատուցած ծառայությունների համար ոսկե նշան և Ավստրիայի կինոակադեմիայի մրցանակ
Կայք	ulrichseidl.at
	Ulrich Seidl Վիքիպահեստում

Ուլրիխ Զայդլ (գերմ.՝ Ulrich Seidl, նոյեմբերի 24, 1952(1952-11-24)^[1]^[2]^[3], Վիեննա, Ավստրիայի բռնազավթումը դաշնակիցների կողմից^[4]), ավստրիացի ռեժիսոր, սցենարիստ, գրող և պրոդյուսեր։

Սերում է թունդ կաթոլիկ ընտանիքից, ծնողները մասնագիտությամբ բժիշկներ էին։ Մանկության տարիներն անց է կացրել Ստորին Ավստրիա նահանգում։

Շուրջ մեկուկես տասնյակ ֆիլմերի հեղինակ է, բազմաթիվ միջազգային կինոփառատոների դափնեկիր։ Զայդլի գեղարվեստական ֆիլմերը դրամաներ են, որոնց բնորոշ է ընդգծված անաչառ ենթադրյալ վավերագրականություն։

Կինոարտադրությունում իր աշխատանքը սկսել է որպես կարճամետրաժ, ապա և վավերագրական ֆիլմերի ռեժիսոր. «Լավ լուրեր» (1990 թ.), «Սեր առ կենդանիներ» (1995 թ.), «Մոդելներ» (1999 թ.)։

Իր 2001 թ-ի «Շան օր» առաջին գեղարվեստական կինոնկարի համար արժանացել է Վենետիկի կինոփառատոնի մրցանակի։

2003 թ-ին հիմնադրել է «Ulrich Seidl Filmproduktion GmbH» կինոընկերությունը և այդ պահից ի վեր հանդես է գալիս նաև որպես պրոդյուսեր։

2007 թ-ի նրա «Ներմուծում/Արտահանում» կինոնկարը արժանացել է «Ոսկե ծիրան» երևանյան միջազգային կինոփառատոնի գլխավոր մրցանակի, ինչպես նաև ներկայացվել է Կաննի կինոփառատոնում։

2012-2013 թթ-ին էկրան բարձրացավ Զայդլի «Դրախտ» եռապատումը։ Դրանցից առաջինը «Դրախտ. Սեր» (2012 թ.) կինոնկարը պատմում է ավստրիացի մոտավորապես 50 տարեկան կանանց մասին, որոնք մեկնում են Քենիա սեքս-զբոսաշրջության։ Երկրորդը՝ «Դրախտ. Հավատք» (2012 թ.), նվիրված է ռենտգենոլոգ-բուժքրոջը, ով դարձել է կաթոլիկ միսիոներուհի, իսկ երրորդը՝ «Դրախտ. Հույս» (2013 թ.), պատմում է նիհարելու նպատակով հատուկ սննդակարգով ճամբար մեկնած դեռահաս աղջկա մասին։

2013 թ-ին կրկին այցելել է Երևան, որտեղ «Ոսկե ծիրան» կինոփառատոնի «Երևանյան պրեմիերաներ» ծրագրի շրջանակներում ցուցադրվեց նրա «Դրախտ. Սեր» ֆիլմը։

Զայդլն ամուսնացած է լրագրող Վերոնիկա Ֆրանցի (ծնվել է 1965 թ-ին) հետ, ով մասնակցել է նրա վերջին ֆիլմերի ստեղծմանը որպես սցենարի համահեղինակ։ Նրանց ընտանիքը բնակվում է Վիեննայում, ունեն երկու երեխա։

Ծանոթագրություններ[խմբագրել | խմբագրել կոդը]

↑ ^1,0 ^1,1 filmportal.de — 2005.
↑ ^2,0 ^2,1 Discogs — 2000.
↑ ^3,0 ^3,1 Բրոքհաուզի հանրագիտարան (գերմ.)
↑ ^4,0 ^4,1 ^4,2 Deutsche Nationalbibliothek Record #121660842 // Gemeinsame Normdatei (գերմ.) — 2012—2016.

Վիքիպահեստն ունի նյութեր, որոնք վերաբերում են «Ուլրիխ Զայդլ» հոդվածին։

[_f5776fab11b8298e-1] 1,0 ^1,1 filmportal.de — 2005.

[_8718e6616be4a28a-2] 2,0 ^2,1 Discogs — 2000.

[_cfcd497f184cf9c7-3] 3,0 ^3,1 Բրոքհաուզի հանրագիտարան (գերմ.)

[_f00edbfc5225fc41-4] 4,0 ^4,1 ^4,2 Deutsche Nationalbibliothek Record #121660842 // Gemeinsame Normdatei (գերմ.) — 2012—2016.

[1]

[2]

[3]

[4]