Ուիլկի Քոլինզ

Վիքիպեդիայից՝ ազատ հանրագիտարանից
Ուիլկի Քոլինզ

Ուիլյամ Ուիլկի Քոլինզ (անգլ.՝ William Wilkie Collins, 1824 - 1889), անգլիացի գրող, 27 վեպի, 15 պիեսի և ավելի քան 50 պատմվածքների հեղինակ։ Առավել հայտնի ստեղծագործություններից են «Սպիտակազգեստ կինը» (The Woman in White, 1860) և «Լուսնաքար» (The Moonstone, 1868, թարգմանվել է հայերեն[1]) վեպերը։ «Լուսնաքարը» համարվում է անգլերեն լեզվով գրված առաջին դետեկտիվ վեպը։

Կենսագրություն[խմբագրել]

Ուիլիամ Ուիլքի Քոլինզը ծնվել է 1824 թ. հունվարի 8-ին հայտնի արքայական լանդշաֆտային նկարիչ՝ Ուիլիամ Քոլինզի ընտանիքում։ 1826թ. ընտանիքը տեղափոխվում է Համստեդ Փոնտ փողոց։ 1828թ. ծնվում է նրա եղբայրը՝ Չարլզ Էլստոն Քելինզը։ 1835թ. Քոլինզը հաճախում է Մեդա Վալ ակադեմիայի դպրոցը։

1836-1838 թթ. Քոլինզը ընտանիքի հետ ապրում է Իտալիայում և Ֆրանսիայում, ինչը մեծ ազդեցություն է թողնում նրա վրա։ 1838-1840 թթ. նա հաճախում է Հայբըրի պրն. Քոլի մասնավոր գիշերօթիկ դպրոցը։ Այդ դպրոցում մի տղա կար, որը ստիպում էր նրան քնելուց առաջ հեքիաթ կարդար։ «Այդ տխմարն էր, որ իմ մեջ արթնացրեց այդ ուժը։ Եթե նա չլիներ, ես երբեք չէի իմանա դրա մասին։ Երբ ավարտեցի դպրոցը ես շարունակեցի հեքիաթ պատմել, բայց իմ հաճույքի համար»,- ասում է Քոլինզը։

1840 թ. ընտանիքը տեղափոխվում է Օքսֆորդ 85 Տեռաս, Բեյսուոտեր։ 1841 թ. նա թողնում է դպրոցը և դառնում Անտրոբւուս և Քո (Antrobus & Co) թեյի առևտրով զբաղվող կազմակերպության դպիրը։ Քոլինզի առաջին պատմությունը «Կառապանի վերջին փուլը» (The last stage coachman) տպագրվել է “Illuminated” ամսագրում 1843 թ.։ 1844 թ. Չարլզ Ուարդի հետ գնում է Ֆրանսիա։ Հենց այդ տարի նա գրում է իր առաջին նովելը՝ «Լոլանի»կամ «Թահիտին ինչպես եղել էր» սիրավեպը ( Iolani, or Tahiti as It Was; a Romance)։ 1845 թ. ստեղծագործությունը ներկայացրել են Չափման և Հոլ( Chapman and Hall), բայց մերժվել է։ Իր կյանքի ընթացքուն նովելն այդպես էլ չտպագրվեց։ Հենց այս նովելը գրելու ժամանակ էր, որ Քոլինզի հայրը հասկացավ, որ իր տղան չի շարունակելու հոր գործը և նկարիչ չի դառնա։ 1846 թ. Քոլինզը ընդունվում է Լինքոլնզ Ինը(Lincoln's Inn) oրենք սովորելու համար։ Դա նրա հոր նախաձեռնությունն էր, որպեսզի Քոլինզը կայուն եկամուտ ունենար։ Հոր մահից հետո՝1848 թ., Քոլինզը հրատարակում է իր առաջին գիրքը « Ուիլիամ Քոլինզի կյանքի հուշերը» ( Memoirs of the Life of William Collins, Esq., R.A)։ Շուտով ընտանիքը տեղափոխվում է Բլենդֆորդի 38 Հրապարակ, որտեղ իրենց նկարչական սենյակն օգտագործում են սիրողական թատրոնների համար։ Նա կարողանում է ավարտել իր իրավագիտական դասերը և 1851 թ. դառնում է իրավաբան։ Քոլինզը երբեք պրակտիկորեն չի օգտագործել իրավագիտական հմտությունները, փոխարենը օգտագործել է իր գործերում։ 1884 թ. ընտրվում է Գրողների միության փոխնախագահ։

1889 թ. սեպտեմբերի 23 մահանում է Ոիիլպոլ 82 Փողոցում։ Նրան թաղել են Քենսել Գրին գերեզմանատանը, որը գտնվում է Լոնդոնի արևմուտքում։ Նրա գերեզմանաքարի փորագրությունը բնորոշում է նրան որպես «Սպիտակազգեստ կինը» նովելի հեղինակ։

Արտաքին հղումներ[խմբագրել]

Ծանոթագրություններ[խմբագրել]

  1. Լուսնաքար։ Վեպ/Ռուս.թարգմ.`Վ.Վարդանյան, Երևան, Սովետական գրող.1985, 592 էջ։
Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են