Ողնուղեղի սմքախտ

Ողնուղեղի սմքախտ
Տեսակ	վարակիչ հիվանդություն և հիվանդության կարգ
Հիվանդության ախտանշաններ	Էրեկտիլ դիսֆունկցիա, hyperesthesia? և պարէսթեզիա
Բժշկական մասնագիտություն	վարակաբանություն
ՀՄԴ-10	A52.1
Tabes dorsalis Վիքիպահեստում

Ողնուղեղի ամքախտ, ողնուղեղի չորուկ (tabes dorsalis)՝ նյարդային համակարգի սիֆիլիսային ախտահարման ուշ ձևերից։ Առաջին ախտանշաններն ի հայտ են գալիս վարակումից 3—30 (հաճախ՝ մոտ 10) տարի հետո։

Փուլեր

Ընթանում է կլինիկական երեք փուլով.

1-ին փուլ

կեղծ արմատային կամ պրեատակտիկ փուլ, սկսվող տաբես, ընթանում է սահող ցավերով մարմնի տարբեր մասերում, լույսի հանդեպ աչքի բբի ռեակցիայի և աքիլլեսյան ջլի ռեֆլեքսի բացակայությամբ։

2-րդ փուլ

Երկրորդ կամ ատակտիկ փուլում, բացի վերոհիշյալ ախտանշաններից, առաջանում է նաև քայլվածքի խանգարում (հիվանդը քայլում է ճոճվելով)՝ հատկապես մութ պայմաններում կամ աչքերը փակելիս և ներքին օրգանների կրիզներ (ցավեր)։

3-րդ փուլ

Երրորդ կամ տաբոպարալիտիկ փուլում ատաքսիան արտահայտված է լինում այնքան ուժեղ, որ հիվանդը չի կարողանում քայլել, նստել և գամվում է անկողնուն։ Ծայրանդամների լուծանքներ չեն լինում։ Աչքի հատակում հայտնաբերվում է տեսողական նյարդի պտկիկի գորշ ապաճում։ Առաջանում են հոդերի ձևախախտումներ, սնուցողական խոցեր (հաճախ կրունկների շրջանում)։

Բուժում

հակասիֆիլիսային դեղամիջոցներ, պենիցիլին և այլն։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 614)։