Շտապիր սիրել

Վիքիպեդիայից՝ ազատ հանրագիտարանից
Շտապիր սիրել
A Walk to Remember
Ֆիլմի պոստերը
Ժանր մելոդրամա, դրամա
Երկիր ԱՄՆ-ի դրոշը ԱՄՆ
Թվական 2002
Պրեմիերա հունվարի 25, 2002
Լեզու անգլերեն
Ռեժիսոր Ադամ Շենկման
Պրոդյուսեր Դենիս Դի Նովի
հանտ Լոուրի
Սցենարիստ(ներ) Կարեն Յանսեն
Դերակատարներ Շեյն Ուեսթ
Մենդի Մուր
Դարիել Հաննա
Օպերատոր Ջուլիա Մակատ
Երաժշտություն Մերվին Ուորրեն
Մոնտաժ Էմմա Հիքոքս
Ընկերություն Warner Brothers
Տևողություն 101 րոպե
Բյուջե 11,000,000 $
IMDb ID 0281358
Կայք պաշտոնական կայք
description

Շտապիր սիրել (անգլ.՝ A Walk to Remember), 2002 թվականին նկարահանված ամերիկյան մելոդրամա ժանրի ֆիլմ, նկարահանված է Նիկոլաս Սփարքսի համանուն ստեղծագործության հիման վրա։

Սյուժե[խմբագրել]

Ֆիլմը երկու երիտասարդների սիրո տխուր պատմություն է։ Ֆիլմի գլխավոր հերոսը` Լենդոնը (Շեյն Ուեստ), դպրոցում բոլորի կուռքն էր։ Նա անկախ էր, գեղեցկադեմ և իհարկե մեծամիտ, ով ոչ ոքի չէր նկատում իր շուրջբոլորը, այդ թվում իր հետ նույն դպրոցում սովորող մի աղջկա (Մենդի Մուռ)։ Աղջկա անունը Ջեյմի (Մենդի Մուռ) էր։ Նա քաղաքի քահանայի աղջիկն էր, ով դպրոցում սովորում էր գերազանց, երգում էր եկեղեցու երգչախմբում և հաճախում թատերական խմբակ։

Օրերից մի օր Լենդոնի և նրա ընկերների մեղքով տեղի է ունենում դժբախտ պատահար։ Գիշերը մի երիտասարդ, ով ցանկանում էր դառնալ նրանց խմբի անդամ, «կնունքի» ժամանակ բարձրությունից ջուրը ցատկելիս` գլուխը հարվածեց ջրի խողովակին։ Դա տեսնելով` բոլորը փախուստի դիմեցին։ Երիտասարդին ջրից հանելուց հետո` Լենդոնը ևս խուճապահար դիմում է փախուստի, սակայն վթարի ենթարկվելով` ձերբակալվում է ոստիկանության կողմից։

Բարեբախտաբար երիտասարդը, ում նա օգնություն էր ցուցաբերել, կենդանի է մնում։ Դպրոցի տնօրենը որոշում է Լենդոնին չհեռացնել դպրոցից` նրա առջև դնելով մի շարք պայմաններ։ Նրան հանձնարարում են հավաքարարի փոխարեն հետևել դպրոցի մաքրությանը, հանգստյան օրերին օգնել դասերից հետ մնացող երեխաներին և հաճախել թատերական խմբակ։ Հենց այդ պահից սկսած նրա և Ջեյմիի ճանապարհները սկսում են առավել հաճախակի հատվել։

Շուտով Լենդոնը խնդրում է աղջկան, որպեսզի նա օգնի իրեն բեմականացման իր դերը պատրաստել. աղջիկը համաձայնում է այն պայմանով, որ տղան այդ ողջ ընթացքում պետք է զսպի իրեն և հանկարծ չսիրահարվի աղջկան։ Ինքնավստահ տղան անմիջապես համաձայնում է այդ պայմանին։ Սակայն ժամանակի ընթացքում երկուսի մեջ առկա հակակրանքը վերածվում է համակրանքի, որը երկուսն էլ խուսափում էին ընդունել։ Չցանկանալով նվաստանալ ընկերների մոտ` Լենդոնը վիրավում է Ջեյմին նրանց ներկայությամբ։ Ջեյմին, նեղանալով նրա այդ արարքից, այլևս չի ցանկանում շփվել Լենդոնի հետ։ Ամեն ինչ փոխվում է ներկայացման ժամանակ, որտեղ 2 երիտասարդները խաղում էին գլխավոր դերը։ Բեմադրությունից հետո Լենդոնի ընկերները սկսում են ծաղրել աղջկան, որի պատճառով Լենդոնը վիճում է նրանց հետ և խզում կապերը։ Ժամանակի ընթացքում նրանց միջև համակրանքը մեծանում է, վերածվում սիրո։ Թվում էր, թե ամեն ինչ հրաշալի է, բայց այդ պահին ի հայտ է գալիս իրական ճշմարտությունը։

Լենդոնը իմանում է, որ իր սիրելին ծանր հիվանդ է։ Նա տառապում էր արյան քաղցկեղով։ Սակայն այդ ամենը նրան չի կանգնեցնում։ Նա մնում է աղջկա հետ` իրականացնելով նրա վաղեմի երազանքները։ Լենդոնը Ջեյմիին ամուսնության առաջարկ է անում։ Նրանց ամուսնացնում է աղջկա քահանա հայրը, հենց այն նույն եկեղեցում, որտեղ տարիներ առաջ ամուսնացել էին Ջեյմիի ծնողները։ Հարսանեկան արարողությանը ներկա էր Լենդոնի հայրը ում հետ տղան խզել էր կապը ծնողների ամուսանլուծությունից հետո, և միայն Ջեյմիի բարության և սիրո շնորհիվ, հասկանալով իր սխալը, հաշտվում է հոր հետ։ Այդտեղ էին նաև Լենդոնի վաղեմի ընկերները, ովքեր, հասկանալով և գիտակցելով իրենց սխալը, ներողություն էին խնդրել զույգից։ Ամուսնությունից հետո երիտսարդները միասին վայելեցին իրենց երջանիկ ամառը, որից հետո Ջեյմին մահացավ։ Չորս տարի անց Լենդոնը վերադառնում է հայրենի քաղաք։ Նա սովորում էր համալսարանում և պատրաստվում էր բժիշկ դառնալ։ Նա նախ այցելում է Ջեյմիի հորը և նրան հանձնում աղջկա մոր օրագիրը, որը Ջեյմին թողել էր իրեն, որից հետո գնում է նավամատույց, որտեղ նա և Ջեյմին հաճախ էին լինում և հիշում այն բարի ժամանակները, որ անցկացրել էին միասին և որի շնորհիվ նրա կյանքը լիովին փոխվեց։

Դերակատարներ[խմբագրել]

Դերակատար Դերը
Շեյն Ուեսթ Լենդոն Կարտեր
Մենդի Մուր Ջեյմի Սալիվան
Պիտեր Կոյոտ քահանա Սալիվան
Դարիել Հաննա Սինտիա Կարտեր

Ֆիլմի երաժշտությունը[խմբագրել]

Մենդի Մուրը ոչ միայն դերասանուհի է, այլև հաջողակ երգչուհի, ով կատարում է ֆիլմի մի քանի երգեր, այդ թվում ֆիլմի գլխավոր սաունդթրեքը (Cry)։

1. "Cannonball" - The Breeders

2. "So What Does It All Mean?" - West, Gould, & Fitzgerald

3. "Empty Spaces" - Fuel

4. "Lighthouse" - Mandy Moore

5. "Friday on My Mind" - Noogie

6. "Anything You Want" - Skycopter 9

7. "Numb in Both Lips" - Soul Hooligan

8. "Tapwater" - Onesidezero

9. "If You Believe" - Rachael Lampa

10. "No Mercy" - Extra Fancy

11. "No One" - Cold

12. "Enough" - Matthew Hager

13. "Mother, We Just Can't Get Enough" - New Radicals

14. "Only Hope" - Mandy Moore

15. "Get Ur Freak On" - Missy Elliott

16. "Flood" - Jars of Clay

17. "Dancin' In The Moonlight" - Toploader

18. "Someday We'll Know" - Mandy Moore and Jonathan Foreman

19. "Learning to Breathe" - Switchfoot

20. "All Mixed Up" - 311

21. "Dare You To Move" - Switchfoot

22. "You" - Switchfoot

23. "It's Gonna Be Love" - Mandy Moore

24. "Only Hope" - Switchfoot

25. "Cry" - Mandy Moore

Արտաքին հղումներ[խմբագրել]