Շարիս Կարապետյան

Շարիս Կարապետյան
Ծննդավայր	Բեյրութ
Քաղաքացիություն	Հայաստան և Իտալիա
Կրթություն	Փարիզի համալսարան և Սկիդմոր քոլեջ
Մասնագիտություն	լուսանկարիչ, նկարչուհի և դիզայներ
Կայք	sharisgarabedian.com
	Sharis Garabedian Վիքիպահեստում

Շարիս Կարապետյան, հայ լուսանկարիչ, նկարիչ, դիզայներ։

Կենսագրություն[խմբագրել | խմբագրել կոդը]

Նկարիչ-դիզայներ Շարիս Կարապետյանը ծնվել է Թեհրանում, արվեստագետների ընտանիքում։ Ապրում և ստեղծագործում է Փարիզում։ Սովորել է Լոնդոնում, Նյու Յորքում և Փարիզում, ունի ԱՄՆ Նյու Յորքի Սքիդմորի համալսարանի արվեստի բակալավրի աստիճան «Արվեստի պատմություն և ֆրանսիական գրականություն» որակավորմամբ և Ֆրանսիայի Փարիզի Սորբոնի համալսարանի «18-րդ դարի գրականություն» որակավորման կրտսեր աստիճան։

Մեծացել է արվեստագետի ընտանիքում, իր առաջին տեսախցիկը հոր կողմից ստացել է երիտասարդ տարիքում։ Հասունացումն աշխարհագրական տարբեր վայրերում՝ Միջին Արևելքում, Միացյալ Նահանգներում, Եվրոպայում, ինչպես նաև հայկական ծագումը, խոր ազդեցություն են թողել նրա վրա և կարևոր դերակատարում ունեցել իր արվեստում։ Ի հավելում ժառանգած տեսողական փորձառությանը, որն ուղղորդել է նրան զանազան բնագավառներում ինքնարտահայտման, լուսանկարչական արվեստում բեմականացված իրավիճակների ստեղծման և այն առարկաներով լցնելու փոխարեն նա հետաքրքրված է այնպիսի ձևերի և հորինվածքների պատկերմամբ, որոնք ներկայանում են իրենց բնական ձևերով, առանց որևէ վերափոխման։ Մշտապես լինելով շրջապատող աշխարհի հետ ներդաշնակության մեջ՝ Շարիս Կարապետյանը պատկերում է թերություններն ու կատարելությունն իրենց բոլոր դրսևորումներով. հին և ժամանակակից վայրեր, որոնք հատուկ են առօրյա ամենատարածված առարկաներին, ինչպես օրինակ կոտրված դուռն է կամ տոմիկները, ջախջախված մեքենայից մինչև փշրվող պատեր, մեզ շրջապատող իրականություն։ Վերոհիշյալ բոլոր պատկերները ներկայացնում է իրենց ազատ հարաբերության մեջ, անսահման ռիթմով, ինչպես գոյություն ունեն բնության մեջ։ Նրա համար իրականության այս ակնթարթները գեղեցիկ են իրենց գույնով, մակերևույթով և հորինվածքով։ Շարիս Կարապետյանը համարում է իր լուսանկարները վերացական նկարչությանն արձագանքող «իրականության նկարներ»^[1]^[2]։

Ցուցահանդեսներ[խմբագրել | խմբագրել կոդը]

1991 թ. «Եվրոպական պատկերներ», Բիքս բանկ, Փարիզ, Ֆրանսիա։
1991 թ. «Անվերնագիր», Մետրո Բիստրո, Նյու Յորք, ԱՄՆ։
1992 թ. «Ինստալյացիա, մասնավոր ցուցադրություն, Լիոն, Ֆրանսիա։
1992 թ. «Հայաստանի դեմքերը», Գորկի պատկերասրահ, Նյու Յորք, ԱՄՆ։
1993 թ. «Միջերկրածովյան ճանապարհներ», Իտալիայի մշակութային կենտրոն, Լիոն, Ֆրանսիա։
1993 թ. «Նույնականացում», Ժամանակակից արվեստի թանգարան, Երևան, Հայաստան։
1994 թ. «Երրորդ ցուցահանդեսը», Հովհաննես Թումանյանի տուն թանգարան, Երևան, Հայաստան։
1995 թ. «Վենետիկի Բիենալեի պատկերները», Մասնավոր ցուցադրություն, Նյու Յորք, ԱՄՆ։
1996 թ. «TORRI D AVVISTAMENTO»/Պահակային աշտարակներ, Սալա Անսելմի, Վիտերբո, Իտալիա։
1997 թ. «Մարմին և մաշկ», ՆՓԱԿ, Երևան, Հայաստան։
1998 թ. «IL LINGUAGGIO DEGLI ETRUSCHI»/ Էտրուսկների լեզուն ինստալյացիա, Թերﬔ Դել Պապի, Վիտերբո, Իտալիա։
1999 թ. «Նկարիչների ցուցահանդես», նկարներ Փաք Բիլդինգ, Սոհո, Նյու Յորք, ԱՄՆ։
2001 թ. «Փոշու ստվերները», ինստալյացիա, ՆՓԱԿ, Երևան, Հայաստան։
2002 թ. «Գյումրու Բիենալեն», ինստալյացիա, Նկար/ վիդեո, Սթիլլ պատկերասրահ, Գյումրի, Հայաստան։
2002 թ. «ՆՓԱԿԻ 10-ամյակին նվիրված ցուցահանդես» Երևան, Հայաստան։
2002 թ. «Ցուցահանդես Վենետիկի Բիենալեի ընտրության համար» ՆՓԱԿ, Երևան, Հայաստան։
2003 թ. «Շրջանաձև ցուցադրություն» Ֆիլադելֆիայի տաճար, Ֆիլադելֆիա, ԱՄՆ։
2004 թ. «Գյումրու Բիենալեն» Սթիլ պատկերասրահ,Գյումրի, Հայաստան։
2004 թ. «Իրականության նկարներ» Լուսանկարների անհատական ցուցահանդես ՆՓԱԿ, Երևան, Հայաստան։
2005 թ. «Ֆոտո+» ՆՓԱԿ, Երևան, Հայաստան։
2006 թ. «Շերտավորված կյանքեր» Բրյունեյ պատկերասրահ, Լոնդոն, Անգլիա։
2006 թ. «Արվեստ առանց սահմանների» «Հայաստանի ժամանակակից արվեստ» Գծանկարների տարածաշրջանային ցուցահանդես, Վրաստան, Իրան, Թուրքիա, ՆՓԱԿ, Երևան, Հայաստան։
2007 թ. «Երևանի ճգնաժամը» Մուլտիմեդիա արվեստի միջոցառում, ՆՓԱԿ, Երևան, Հայաստան։
2007 թ. «Վերացականությունը տեսապակուց այն կողմ» ՆՓԱԿ, Երևան, Հայաստան։
2008 թ. «Սև ու սպիտակ» ՆՓԱԿ, Երևան, Հայաստան։ 2008 «Խորքային տեղաշարժեր» վիդեո արվեստ ՆՓԱԿ, Երևան, Հայաստան։
2009 թ. «Անցուﬓեր» լուսանկարչական անհատական ցուցահանդես ՆՓԱԿ, Երևան, Հայաստան։
2010 թ. «VENDESI GIOIA» գծանկարներ Դիմա-Դիզայն, Միլան, Իտալիա։ 2011 թ. «DIASPO’ARTS», «La Péniche Anako», Փարիզ, Ֆրանսիա։ 2012 թ. «ArTménie Mairie du 8éme» Փարիզ, Ֆրանսիա։ 2012 թ. «DIASPO’ARTS» «La Péniche Anako», Փարիզ, Ֆրանսիա։
2012 թ. «URB ART» Ուրբանիստներն առանց սահմանների APAF-ում, Փարիզ, Ֆրանսիա։
2013 թ. «DIASPO’ARTS» «La Péniche Anako», Փարիզ, Ֆրանսիա։
2013 թ. «Լքված լանդշաֆտ» ինտերսեկցիա Ջեյլանգ, Սինգապուր։
2013 թ. «Կանգառ Փարիզում» «DIASPO’ARTS» Սբ Ժան Բատիստ հայկական եկեղեցի, Փարիզ, Ֆրանսիա։
2014 թ. «Կանգառ Վալանսում» «DIASPO’ARTS»-Վալանսի քաղաքային սրահ, Ֆրասիա։
2014 թ. «Կանգառ Կրետեյլում» «DIASPO’ARTS»-Միությունների տուն, Կրետեյլ, Ֆրանսիա։
2014 թ. «Կանգառ à ANAKO DIASPO’ARTS» Péniche Anako, Փարիզ, Ֆրանսիա։
2014 թ. «Դռներ», Դալան ցուցասրահ, Երևան, Հայաստան^[3]։
2014 թ. «Կանգառ Երևանում» «DIASPO’ARTS»-Ժամանակակից արվեստի թանգարան, Երևան, Հայաստան։
2014 թ. «NEW LOCAL ART» խմբակային ցուցահանդես Դալան Արտ Ցուցասրահ, Երևան, Հայաստան։
2014 թ. «Մտքի շրջանակ» Հայփ Փոփ Ափ պատկերասրահ, Երևան, Հայաստան։
2015 թ. «SOUFFLE COLLECTIF» Հայկական մշակույթի էքսպո, նախագծեր, հաﬔրգներ, արվեստանոց Սբ Մարի եկեղեցի, Փարիզ, Ֆրանսիա։
2015 թ. «Հայերի ցեղասպանության հարյուրամյակին նվիրված էքսպո» Diaspo’Arts-«Ֆրանսուա Միտերան» սրահ, Վալանս, Ֆրանսիա։
2015 թ. «Արվեստ, կոկտեյլներ և զրույցներ» ինտերսեկցիա Փարիզյան արվեստ, Արտ Ֆեյր, Փարիզ, Ֆրանսիա։
2015 թ. «Ես եմ քո հիշողությունը» «Diaspo’Arts» Ժամանակակից արվեստի թանգարան, Երևան, Հայաստան։
2015 թ. «Վկա» գծանկարներ, Հայաստանի ազգային պատկերասրահ, Երևան, Հայաստան^[4]։
2015 թ. «Գալուստ Հայաստան» Հորկինուս փառատոն, Ժամանակակից արվեստի ցուցահանդես, Մեսսինա, Իտալիա։
2015 թ. «Հայաստանի գույները» ինտերսեկցիա «Societe Generale» պատկերասրահ, Սինգապուր։
2015 թ. «Ֆրանսիական բնակարան» Փոփ-ափ պատկերասրահ, Սինգապուր։
2015 թ. «Փոքրը գեղեցիկ է», Ինտերսեկցիոն արվեստի պատկերասրահ, Սինգապուր։
2016 թ. «Մեդիտատիվ հետք», Ինտերսեկցիոն արվեստի պատկերասրահ, Սինգապուր։
2016 թ. «Չգործածվող պահոցներ», Ինտերսեկցիոն արտ պատկերասրահ, Սինգապուրի 5-րդ միջազգային լուսանկարչական փառատոն։
2017 թ. «Գծանկարների ցուցահանդես», Սինգապուրում Ֆրանսիայի դեսպանություն։
2018 թ. «Սինգապուրյան միահյուսված արմատներ», Ինտերսեկցիոն արվեստի պատկերասրահ, Սինգապուր։
2018 թ. «Armenia Art Fair», Երևան էքսպո կենտրոն, Երևան, Հայաստան։
2018 թ. «Լիոնի հայ նկարիչների 11-րդ միջազգային ցուցասրահ» Փալէ Բոնդի ցուցադրությունների սրահ, Լիոն, Ֆրանսիա

Մեջբերումներ Շարիս Կարապետյանից[խմբագրել | խմբագրել կոդը]

Դռներն ապրում են, նրանք միշտ շարժման մեջ են, իրենց սեփական եռանդի շնորհիվ։ Բացումներ, առեղծված, հնարավորություն՝ փակումներ և ավարտներ։

Ես միշտ անվերջ հմայլվել եմ դռներով, որոնք ինձ մոտ խորհրդանշում են իրադարձությունների հաջորդականությունը մեր կյանքում։
Իմ պատկերներն այդ դռների ներկայացումներն են, որոնք դիմակայել են փորձառությունների թռիչքներին և անկումներին։