Շառլ Լուի Մոնտեսքիո
 |
Այս հոդվածը տեղեկատվական աղբյուրների կարիք ունի։ Դուք կարող եք օգնել նախագծին՝ գտնելով բերված տեղեկությունների հաստատումը վստահելի աղբյուրներում և ավելացնելով այդ աղբյուրներին հղումները հոդվածին։ Անհիմն հղումները ենթակա են հեռացման։ (10 մարտի,2010) |
Շառլ Լուի դը Սեկոնդա, բարոն Լա Բրեդ և դը Մոնտեսքիո (ֆր.՝ Charles-Louis de Seconda, Baron de La Brède et de Montesquieu; 1689թ. հունվարի 18 — 1755թ. փետրվարի 10), ֆրանսիացի գրող, իրավագետ և փիլիսոփա, «Պարսկական նամակներ» վեպի, «Հանրագիտարանի» մի շարք հոդվածների հեղինակ:
Ծնվել է 1689 թվականին։ Մահացել է 1755 թվին։ Նա համարվում է ֆրանսիական լուսավորության կարկառուն ներկայացուցիչ, իրավաբան է և քաղաքական մտածող։ Սերում է արիստոկրատական ընտանքից և հետևաբար ստացել է փայլուն կրթություն։ 1714 թվականին նա դառնում է Բորդոյի պառլամենտի անդամ, երկու տարի անց՝ 1716 թվականին՝ նախագահ։ Նա ունի բազմաթիվ աշխատանքներ, որոնցից ամենանշանավորներն են՝ «Պարսկական նամակներ» /1721/, «Խորհրդածություններ հռոմեացիների ծաղկման և անկման պատճառների մասին» /1734/, և 20 տարվա աշխատանք՝ «Օրենքների ոգու մասին» /1748/։
«Պարսկական նամակներում» նա խստորեն քննադատում է ֆեոդալական կարգերը, տիրող անարդարությունները, որը բնականաբար դարձավ խոշոր իրադարձություն ֆրանսիական հասարակական-քաղաքականկյանքում։
