Շանհայի թանգարան

Շանհայի թանգարանը Ժողովրդական հրապարակում

Շանհայի թանգարանը (չին. 上海博物館) հին չինական արվեստի թանգարան է և գտնվում է Չինաստանի Շանհայ քաղաքի Ժողովրդական Հրապարակում։ Շանհայի թանգարանում ցուցադրվում է հին չինական արվեստի աշխարհում ամենամեծ հավաքածուներից մեկը։ Թանգարանում պահվում են շուրջ հարյուր քսան հազար ցուցանմուշներ։ ^[1]

[խմբագրել] Պատմությունը

Շանհայի թանգարանը հիմնվել է 1952 թ.։ 1992թ. Շանհայի քաղաքային կառավարությունը Ժողովրդական հրապարակում տեղ է հատկացնում թանգարանի ապագա շենքի համար։ Շենքի կառուցումը տևում է երեք տարի և ավարտվում է 1996-ին։ Նոր շենքում թանգարանի բացումը տեղի է ունենում 1996թ. հոկտեմբերի 12-ին։ 29,5 մետր բարձրությամբ նոր շենքը արդեն ունի 39 200 քառակուսի մետր տարածք Շենքի ճարտարապետությունը` կլոր տանիքով և քառակուսի հիմքով, նմանեցված է Դինգի` Շանգ դարաշրջանի բրոնզե սպասքի` նախատեսված միս մատուցելու համար։ Այս ձևը արտացոլում է չինական փիլիսոփայության այն տեսակետը, ըստ որի Կլոր երկինքը ծածկում է քառակուսի երկիրը։ Հարավային մուտքը հսկում են առյուծների 8 սպիտակ նեֆրիտե քանդակներ։ ^[2]

[խմբագրել] Հավաքածուն

Թանգարանի շենքը ներսից

Թանգարանի 4 հարկերում ներկայացվում են ընդհանուր առմամբ 21 ճյուղերի ստեղծագործություններ, որոնցից են.^[3]

Կալիգրաֆիա և Գեղանկարչություն
Քանդակ
Կերամիկա
Բրոնզե առարկաներ
Նեֆրիտե առարկաներ
Կահույք
Մետաղադրամներ
Չինաստանի էթնիկ փոքրամասնությունների արվեստ ևն...

[խմբագրել] Այլ տեղեկություններ

Թանգարանը բաց է ամեն օր ժ. 9.00-17.00։ Մուտքն ազատ է։ Թանգարանն ամեն օր առավելագույնը ընդունում է 5,000 այցելու։ Թանգարանում գործում է հուշանվերների և գրքերի խանութ։