Շանթ ՀԸ

«Շանթ» հեռուստաընկերություն
Երկիր	Հայաստան; Գյումրի ; Վանաձոր
Հեռարձակման գոտի	Հայաստան; Արցախ; Եվրամիություն ; Իրան ; ԱՄՆ ; Ռուսաստան
Հեռարձակման լեզու	հայերեն
Հեռարձակման սկսման թվական	1994
Հիմնադիր	Արթուր Եզեկյան, Արմեն Մինաս
Սեփականատեր	«Շանթ» ՍՊԸ
🌐	shanttv.com

Շանթ, հայկական հեռուստաընկերություն։ Հիմնադրվել է Արթուր Եզեկյանի կողմից 1994 թվականին Գյումրիում։ 1995 թվականից հիմնադիր կազմին է միացել նաև Արմեն Մինասը։ Ներկայումս Հայաստանում գործող ոչ պետական հեռուստաընկերություն է, որը հասանելի է նաև այլ երկրներում արբանյակային հեռարձակմամբ։

«Շանթ» հեռուստաալիքը սկսեց արբանյակային հեռարձակում 2008 թվականի դեկտեմբերին։ Այն իր հեռուստադիտողին է առաջարկում բազմաֆորմատ հաղորդումներ՝ լրատվական, ճանաչողական, սպորտային, հումորային, երաժշտական նախագծեր, ժամանցային և քաղաքական բնույթի թոք-շոուներ։ Հեռուստաընկերությունը ներկայացնում է սեփական արտադրության հեռուստասերիալներ։

Ներկայացրել է նաև արտասահմանյան մի շարք հայտնի հեռուստանախագծերի հայկական տարբերակներ, ինչպիսիք են՝ «Ժողովրդական երգիչ», «Ով է ուզում դառնալ միլիոնատեր», «Տասի ուժը», «Թաքնված տաղանդը», «Իքս ֆակտորը», և այլն։

Եթերային հեռարձակման ծածկույթը տարածվում է Հայաստանի բոլոր մարզերում և Արցախում։

Պատմություն[խմբագրել | խմբագրել կոդը]

Հեռարձակումն սկսվել է 1994 թվականի հունիսի 21-ին՝ որպես լրատվական ծառայություն և սկզբում հասանելի է եղել միայն Շիրակի մարզում։ Ամբողջ վեց ժամանոց ամենօրյա ծրագրային ցանցով սկսեց հեռարձակվել 1995 թվականի մայիսից։

1995 թվական- Հիմնադրվեց «Շանթ» սեփական շաբաթաթերթը։
1995-1996 թվականներ - Եթերը ժամանակավորապես կոդավորվեց էներգետիկ ճգնաժամի պայմաններում։
1997 թվական - Սկսվեց երգիծական սքեթչների ժողովածուների արտադրությունը, որոնք տարածում գտան աշխարհով մեկ սփռված հայության շրջանում։
1998 թվական- Հիմնադրվեց սեփական ռադիոկայանը՝ «Ռադիո Շանթ»-ը։
2001 թվականի մարտից, ընդլայնելով գործունեությունը, սկսեց կանոնավոր հեռարձակումը Երևանում և մյուս մարզերում։
2003 թվականից սկսեց հեռարձակել «Ով է ուզում դառնալ միլիոնատեր» հեռուստաշոուն (մինչ այդ հեռուստախաղը հեռարձակվում էր Առաջին Ալիքով)։
2005 թվականից սկսեց հայկական առաջին հեռուստասերիալի արտադրությունը, որով ըստ էության, դարձավ Հայաստանում սերիալների արտադրության հիմնադիր։
2007 թվականին «Շանթ»-ի ծրագրերը սկսեցին հեռարձակվելով ԱՄՆ-ում։ Համագործակցելով Լոս Անջլեսի «ARTN» հեռուստաընկերության հետ՝ արբանյակային հեռարձակմամբ «Շանթ»-ի ծրագրերը տարածվեցին ողջ Հյուսիսային Ամերիկայով մեկ։
2008 թվական - սկսեց արբանյակային հեռարձակում, որն ընդգրկում է գրեթե ողջ Եվրասիա մայրցամաքը, բացառությամբ Հեռավոր Արևելքը։

Ներկայումս հեռուստատեսությունը հասանելի է Հայաստանի տարածքի զգալի մասում, ինչպես նաև Արցախում։ Նաև հեռարձակվում է համացանցում։ Հայաստանի ամենադիտվող հեռուստաալիքներից է։

«Շանթ Պրեմիում»` նոր HD հեռուստաալիք «Շանթ» հեռուստաընկերությանը ներկայացրեց նոր՝ «Շանթ Պրեմիում» հեռուստաալիքը, որը հեռարձակվեց 2016թ-ի դեկտեմբերից։

Այժմ գործում է նաև Շանթ Պրեմիում HD ալիքների փաթեթը՝

Շանթ Մյուզիք (Shant Music): Երաժշտական ալիք, որտեղ հեռարձկվում է երաժշտություն Arena Life, Հայ Սուպերսթար, Իքս-Ֆակտոր և Շանթ հեռուստաընկերության այլ երաժշտական ծրագրերի կողմից։
Շանթ Սերիալ (Shant Serial): Շանթ հեռուստաալիքը, որտեղ ցուցադրվում են Շանթ հեռուստաընկերության կողմից նկարահանված բոլոր սերիալները
Շանթ Նյուս (Shant News): Լրատվական կայք, որտեղ տեղադրված են 24/7 նորություններ Հայաստանի և ամբողջ աշխարհի մասին։
Շանթ Պրեմիում ԱՄՆ (Shant Premium USA): Շանթ Պրեմիում հեռուստաալիք, որը նախատեսված է Ամերիկյան հեռուստադիտողների համար։

Եթերացանկ[խմբագրել | խմբագրել կոդը]

Սերիալներ	Սիթքոմներ	Հաղորդումներ	Լրատվություն	Արտասահմանյան
Բեկորներ Փոխնակ մայրը Սիրո գերին Բանակում Քաղաքում Խոպանի տեսություն Օտարը Էլենի օրագիրը Թաքնված սեր Ուսանողներ Վերվարածներն ընտանիքում Որոգայթ	32 ատամ ակումբ Վիտամին ակումբ Վումենս Քլաբ Սպորտ Քլաբ Վայ Վումենս Վումենս Հումորի Լիգա Outdance Անուղղելիները	Բարի առավոտ Առավոտը Շանթում Բուժ ինֆո Մամայի Եփածը Ուրիշ է Ավտոշքերթ Հայկական աշխարհ Աշխարհի հայերը Ո՞վ է ուզում դառնալ միլիոնատեր Հայ Սուպերսթար Իքս-Ֆակտոր	Հորիզոն	Անծանոթը Թափկի Հարսիկը

Տես նաև[խմբագրել | խմբագրել կոդը]

Արտաքին հղումներ, Ծանոթագրություններ[խմբագրել | խմբագրել կոդը]

Պաշտոնական կայք