Նունուֆար

Վիքիպեդիայից՝ ազատ հանրագիտարանից
Նունուֆար
Նունուֆար
Կոկոռ դեղին ( Nuphar luteum)
Գիտական դասակարգում
Թագավորություն Բույսեր
Տիպ Ծաղկավորներ
Դաս Երկշաքիլավորներ
Ընտանիք Հարսնամատազգիներ
Ցեղ Կոկոռ
Լատիներեն անվանում
Nuphar
Տիպիկ ներկայացուցիչներ

Nuphar luteum L. Կոկոռ դեղին

Wikispecies-logo.svg
Դասակարգումը
Վիքիցեղերում

Commons-logo.svg
Պատկերներ
Վիքիպահեստում





Կոկոռ (լատ.՝ Nuphar), դեղին ջրաշուշան, նունուֆար, հարսնամատազգիների (ջրաշուշանազգիներ) ընտանիքի բազմամյա, կոճղարմատավոր ջրային խոտաբույսերի ցեղ:

Կենսաբանական նկարագիրը[խմբագրել]

Կոճղարմատը հզոր է, հաստ: Տերևները խոշոր են, կաշեկերպ, սրտաձև, երկարակոթուն, վառ կանաչ, ագատ լողում են ջրի երեսին: Ծաղիկները երկսեռ են, խոշոր, մեկական՝ երկար ծաղկակոթուններով, դեղին, ուժեղ հոտով: Ծաղկում է մայիսի վերջերից մինչև ուշ աշուն: Պտուղը կանաչ է, բազմասերմ, հատապտղանման:

Կոկոռ դեղին Բուսաբանական վկայում գրքից «Flora von Deutschland, Österreich und der Schweiz», 1885

Օգտագործումը[խմբագրել]

Դեղաբույս է. ծաղիկները պարունակում են ալկալոիդներ, եթերայուղեր, կոճղարմատները՝ աղաղանյութեր, օսլա, խեժ, շաքար: Թունավոր է և գեղազարդիչ:

Տարածվածությունը[խմբագրել]

Հանդիպում է Շիրակի (Ախուրյան) և Լոռու (Ստեփանավան) մարզերի միջին լեռնային, գոտիների դանդաղահոս և կանգուն ջրերում (գետերում ու լճակներում): Գրանցված է ՀՀ Կարմիր գրքում:

Տեսակները[խմբագրել]

Հայտնի է 10 (12), ՀՀ-ում՝ 1 տեսակ՝ Կոկոռ դեղին (N. luteum)։

Nuphar

Արտաքին հղումներ[խմբագրել]


Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png
  1. NCU-3e. Names in current use for extant plant genera. Electronic version 1.0. Entry for Nuphar Sm.(անգլերեն)Կաղապար:V