Նուլլիֆիկացիա

Նուլլիֆիկացիա (լատին․՝ nullificatio արհամարհում, ոչնչացում, nullus - ոչ մի, գոյություն չունեցող և facio - կատարել, անել), դրամի, խիստ արժեզրկված թղթադրամի չեղյալ հայտարարում պետության կողմից։ Դրամաշրջանառության կայունացման մեթոդ։

Կիրառվում է, երբ խոր ինֆլյացիայի հետևանքով փողի գնողունակությունը չափազանց ընկնում է, և թղթադրամին ներկայացվող արժեքը գործնականում հավասարվում զրոյի։ Նուլլիֆիկացիայի դիմում են նաև այն ժամանակ, երբ անհրաժեշտություն է առաջանում շրջանառությունից հանել ուժը կորցրած թղթադրամները՝ կապված քաղաքի իշխանության փոփոխության հետ։ Երբեմն նուլլիֆիկացիան համընկնում է դեվալվացիային։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 402)։