Նիշտադտի հաշտություն

Վիքիպեդիայից՝ ազատ հանրագիտարանից

Նիշտադտի հաշտություն, կնքվել է Ռուսաստանի և Շվեդիայի միջև Նիշտադտ (Ֆինլանդիա) քաղաքում, 1721 թվականի օգոստոսի 30-ին, Հյուսիսային պատերազմից հետո։ Պայմանագրով Ռուսաստանին անցան Լիֆլանդիան, Էստլանդիան, Ինգերմանլանդիան (Իժորյան երկիրը), Կարելիայի մի մասը, էզել, Դագո կղզիները և այլ տարածքներ Վիբորգից մինչև կուրլանդական սահմանը։ Ռուսաստանը Շվեդիային վերադարձրեց Ֆինլանդիան (որ գրավել էին ռուսական զորքերը), տվեց դրամական հատուցում, վերականգնվեց երկու երկրների առևտուրը։ Նիշտադտի հաշտությունը ռուսական դիվանագիտության հաղթանակն էր․ այն ամրապնդեց Ռուսաստանի ելքը դեպի Բալթիկ ծով, նպաստեց Ռուսաստանի արևելյան քաղաքականության աշխուժացմանը։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png