Նիկոտին

Նիկոտին
Ընդհանուր տեղեկություններ
Դասական անվանակարգում	(S)-3-(1-մեթիլ-2-պիրրիդինալ)պիրիդին
Ավանդական անվանում	Նիկոտին
Քիմիական բանաձև	C₁₀H₁₄N₂
Մոլային զանգված	2,7E−25 կիլոգրամ գ/մոլ
Խտություն	1,01 ± 0,01 գ/սմ³ գ/սմ³
Իոնիզացման էներգիա	8,01 ± 0,01 Էլեկտրոն-վոլտ կՋ/մոլ
Հալման ջերմաստիճան	−110 ± 1 ℉ և −79 °C °C
Կազմալուծման ջերմաստիճան	482 ± 1 ℉
Այրման ջերմաստիճան	203 ± 1 ℉
Գոլորշու ճնշում	0,08 ± 0,01 mm Hg
Քիմիական հատկություններ
Դասակարգում
CAS համար	54-11-5
PubChem	89594
EINECS համար	200-193-3
SMILES	N=1C=CC=C(C1)C2N(C)CCC2
ЕС	200-193-3
ChEBI	80863
Թունավորություն
Թունավորություն
IDLH	5 ± 1 mg/m³
H-արժեքներ	H301, H310, H400, H411
P-արժեքներ	P273, P280, P301+P310, P302+P350, P310
ԳՀՀ պատկերագրեր
	Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)

Նիկոտին, ալկալոիդ, մտնում է մորմազգիների ընտանիքի բույսերի կազմի մեջ՝ հիմնականում ծխախոտի, մախորկայի և քիչ քանակությամբ՝ լոլիկի, կարտոֆիլի, սմբուկի և կանաչ պղպեղի։

Նիկոտինը ծխախոտում պարունակվող ալկալոիդն է։ Նիկոտինի սուլֆատը շագանակագույն, յուրահատուկ հոտով, ցնդող հեղուկ է։ Նրա մահացու դեղաչափը 0,05 գ է։ Նիկոտինը ուժեղագույն թույներից է. ազդում է նյարդահանգույցային բջիջների խոլինառեակտիվ համակարգերի, մակերիկամների միջուկային շերտի քրոմաֆիլ բջիջների և զոլավոր մկանների վրա։ Նիկոտինի փոքր քանակը սկզբում դրդում, գրգռում, ապա ընկճում է այդ համակարգի ֆունկցիան։ Ծանր թունավորման ժամանակ, բացի բբերի նեղացումից, թքարտադրությունից, փսխումից և լուծից, նկատվում է ջղաձիգ ցնցումներ, գիտակցության կորուստ։ Մահվան անմիջական պատճառը օրգանիզմի սուր թթվածնային քաղցն է, շնչառական կենտրոնի վրա նիկոտինի ունեցած անմիջական ազդեցության հետևանքը։

Դատաբժշկական փորձաքննությունը հիմնված է կլինիկական պատկերի և դատաքիմիական հետազոտության արդյունքների վրա։ Դիահերձմամբ բնորոշ փոփոխություններ չեն հայտնաբերվում։