Նիկլաուս Վիրտ

Վիքիպեդիայից՝ ազատ հանրագիտարանից
Նիկլաուս Վիրտ
Niklaus Wirth, UrGU.jpg
ԱԱՀ՝ Նիկլաուս Էմիլ Վիրտ
Ծննդյան օր՝ 15 փետրվար, 1934
Քաղաքացիություն՝ Շվեյցարիա
Գրքեր՝ Data structures and algorithms
Պարգևներ և
մրցանակներ՝
Թյուրինգի մրցանակ, 1984
Կայք՝ http://www.cs.inf.ethz.ch/~wirth/

Նիկլաուս Էմիլ Վիրտ (ծն. փետրվարի 15 1934), շվեյցարացի գիտնական։ Առավել հայտնի է որպես մի քանի ծրագրավորման լեզուների հեղինակ, որոնցից են Pascal-ը, Modula-ն, Oberon-ը։ 1984-ին արժանացել է Թյուրինգի մրցանակի` մի շարք նորարարական ծրագրավորման լեզուների մշակման համար։

Կենսագրություն[խմբագրել]

Վիրտը ծնվել է Շվեյցարիայի Վինտերտուր քաղաքում, 1934 թվականին։ 1959-ին Ցյուրիխում գտնվող Շվեյցարիայի դաշնային տեխնոլոգիական համալսարանում ստացել է էլեկտրոնիկայի բակալավրի աստիճան։ 1960-ին Կանադայի Լավալի համալսարանում ստացել է մագիստրոսի աստիճան։ 1963-ին Բերկլիի համալսարանում նրան շնորհվել է Ph.D.` Էլեկտրոնիկայի և կոմպյուտերային գիտության մասնագիտությամբ։

1963-ից 1967 թվականներին Ստենֆորդի, ապա նաև Ցյուրիխի համալսարաններում աշխատել է որպես ասիստենտ։ 1968-ին նա Ցյուրիխի ETH-ում դարձավ ինֆորմատիկայի պրոֆեսոր։

Ծրագրավորման լեզուներ[խմբագրել]

Վիրտը եղել է Euler, Algol W, Pascal, Modula, Modula-2, Oberon, Oberon-2 և Oberon-07 ծրագրավորման լեզուների հիմնական նախագծողն ու իրականացնողը։ Նա նաև մեծ մասնակցություն ունի Lilith կոմպյուտերի և Oberon օպերացիոն համակարգի նախագծման ու իրականացման գործում, ինչպես նաև սարքակազմի նախագծման, նկարագրման ու սիմուլյացիայի Lola համակարգի ստեղծման գործում։ Նա նախագծել և իրականացրել է նաև PL/0 պարզագույն ծրագրավորման լեզուն՝ կոմպիլյատորների ստեղծման փուլերը ցուցադրելու համար։

Հեղինակած գրքեր[խմբագրել]

  • Wirth, Niklaus (1976)։ Citation. Algorithms + Data Structures = Programs։ Prentice-Hall։ 0130224189։ ISBN 978-0-13-022418-7։  (անգլերեն)
    Նիկլաուս Վիրտի այս գրքում արտակարգ շարադրված են ծրագրավորման հիմնարար հասկացությունները, մասնավորապես տվյալների կառուցվածքային ներկայացումը և կառուցվածքային տվյալների մշակման ալգորիթմները։ Օրինակները բերված են այդ պահին հեղինակի կողմից ստեղծված և մինչ այժմ էլ մեծ տարածում ունեցող ծրագրավորման Պասկալ լեզվով, որում և առաջին անգամ լիարժեք սկսեց օգտագործվել ռեկուրսիայի գաղափարը որպես տվյալների ներկայացման և ալգորիթմների իրականացման հիմնարար եղանակ։ Թարգմանված է բազմաթիվ լեզուներով և ծրագրավորման դասընթացի գրականության ցանկում մինչ այժմ էլ պարտադիր ընթերցանության գիրք է։
  • Compiler construction - Oberon-0 լեզվի կոմպիլյատորի կառուցման պրակտիկ գիրք է, որտեղ պարզ ու մատչելի կերպով շարադրված են կոմպիլյացիայի հիմնական փուլերը։
  • Digital Circuit Design - Թվային սխեմաների նախագծմանը վերաբերող աշխատանք է, որտեղ պարզագույն կոմպյուտերի սարքակազմի նախագծման օրինակի վրա հեղինակը պատմում է թվային շղթաների ստեղծման հիմնական էտապները։ Շարադրանքում թվային սխեմաների նկարագրման համար օգտագործված է հեղինակի և նրա գործընկերների կողմից ստեղծվածLolaհամակարգը։