Նեյտրոնային ռազմամթերք

Վիքիպեդիայից՝ ազատ հանրագիտարանից

Նեյտրոնային ռազմամթերք, առատ նեյտրոնային ճառագայթմամբ միջուկային ռազմամթերքների հատուկ տարատեսակ, որում օգտագործվում են ծանր միջուկների միջուկային շղթայական ռեակցիաներն ու թեթև միջուկների ջերմամիջուկային ռեակցիաները։ Միջուկների տրոհման ռեակցիաներն անհրաժեշտ են սկզբնանյութերը մինչև 107 К տաքացնելու համար։ Պայթյունի էներգիայի մեծ մասն առաջանում է ջերմամիջուկային ռեակցիայից և անցնում շրջապատող միջավայր՝ հիմնականում արագ նեյտրոնների հոսքի ձևով։ Նեյտրոնների հոսքը կազմում է թափանցող ռադիացիայի հիմնական մասը, որը և ոչնչացնում է մարդկանց, այդ թվում տանկերում, զրահամեքենաներում և թաքստոցներում գտնվողներին՝ չվնասելով ռազմական տեխնիկան և շենքերը։ Նեյտրոնային ռազմամթերքի պայթման ժամանակ նեյտրոններին բաժին է ընկնում տասնապատիկ ավելի էներգիա, քան միջուկային մյուս ռազմամթերքների դեպքում։ Որպես սկզբնանյութ նեյտրոնային ռազմամթերքում օգտագործվում է դեյտերիումի և տրիտիումի խառնուրդը։ Նեյտրոնային ռազմամթերքի ստեղծման աշխատանքները տարվում են ԱՄՆ-ում 1960-ական թվականներին, և մի շարք երկրների ռազմաքաղաքական շրջանների կողմից այն ռեկլամվում է որպես մարդ ոչնչացնելու նոր, արդյունավետ միջոց։ ԽՍՀՄ-ը հանդես է գալիս նեյտրոնային ռազմամթերքի մշակման և արտադրության արգելման օգտին։

Տես նաև[խմբագրել]

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png