Նեղ բողազի բերդ
Նեղ բողազի բերդը կառուցվել է մ.թ.ա. 3-րդ հազարամյակում, մի նեղ ձորի հյուսիսային ափին, ժայռոտ բարձունքին։ Ամրոցը շրջապատից 150 մետր բարձր է, միայն հրվանդանի հյուսիսային և մասամբ էլ հյուսիսարևմտյան կողմերն են, որոնց լանջերը շատ քիչ թերություն ունեն։ Ամրոցը վայրի տեղադրությանը համապատասխան ունի ոչ ուղիղ, երկարավուն տեսք։ Այն գրավում է մեկ հեկտարից ավելի տարածություն։ Պարիսպները Կիկլոպյան տիպի են, անտաշ քարերը շարված են առանց որևէ միացնող շաղախի, երկշար մեծ քարերի արանքը լցված չէ մանրաքարերով։ Ամրոցը բաժանվում է 2 անհավասար մասերի՝ հյուսիսային, որը հավանաբար միջնաբերդի դեր է խաղացել և հարավային։ Ամրոցից դուրս, դեպի հյուսիս-արևելք, 100-150 մետր հեռավորության վրա գտնվող աղբյուրի շուրջը կան մի քանի քարանձավներ, որոնց մուտքերի մոտ երևում են խոշոր քարերով շարված կիսաշրջանաձև պատերի հիմքերը։ Այդ քարանձավները որպես մարդկային կացարաններ են ծառայել։
Պարիսպները[խմբագրել | խմբագրել կոդը]
Պարիսպների լայնությունը 3 մետր է։ Պարիսպների ու աշտարակների բարձրությունը պահպանվել է 2-3 քարերի ուղղահայաց շարքով, 3-4 մետր բարձրությամբ։ Ամրոսի ներսում և ամրոցից դուրս կան կացարանների ավերակներ, որտեղ ժայռերը օգտագործված են որպես բնակարանի պատ։ Ամրոցի պարիսպներում կան 9 քարաբուրգի հիմքեր, որոնք ունեն հավասար մեծություն (8*4 մետր) և դասավորված են՝ երկուսը մուտքի ( եղել է ամրոցի արևմտյան կողմում), աջ և ձախ կողմերում, չորսը՝ հյուսիսային և հյուսիսարևելյան պարսպամասերում, հավասար հեռավորության (15 մ) վրա, իսկ մնացած 3 աշտարակները գտնվում են ամրոցի հարավային պարսպի վրա։
Աղբյուրներ[խմբագրել | խմբագրել կոդը]
- Գ.Հ.Միքայելյան, «Հայաստանի հնագիտական հուշարձանները» Առաջին Հատոր, էջ 32