Նայլ Հորան

Նայլ Հորան
Բնօրինակ անուն	անգլ.՝ Niall Horan
Ի ծնե անուն	Նայլ Ջեյմս Հորան
Նաև հայտնի է որպես	Nialler, Neil
Ծնվել է	Սեպտեմբերի 13 (1993); Բելվիլ, Մալլինգար, Ուեսթմիթ; Մալինգար, Լենստեր, Իռլանդիա
Երկիր	Իռլանդիա
Ժանրեր	Փոփ, փոփ ռոք, թին փոփ
Մասնագիտություն	երգիչ
Գործիքներ	վոկալ, կիթառ
Գործունեություն	2000 - մեր օրեր
Լեյբլ	Columbia Records և Capitol Records
Կրթություն	Coláiste Mhuire, Mullingar?
Անդամակցություն	One direction
Պարգևներ	՛՛Տարվա նոր արտիստ՛՛ ամերիկյան երաժշտական մրցանակաբաշխություն
Կայք	Խմբի պաշտոնական կայքը
Ստորագրություն
	Niall Horan Վիքիպահեստում

Նայլ Ջեյմս Հորան (անգլ.՝ Niall James Horan, սեպտեմբերի 13, 1993(1993-09-13)^[1], Մալինգար, Լենստեր, Իռլանդիա), իռլանդացի երգիչ-երգահան և կիթառահար, One Direction խմբի անդամ։ 2010 թվականին ելույթ է ունեցել հայտնի Իքս Ֆակտոր հեռուստաշոուում։ Հաջորդ փուլ չանցնելուց հետո Նիքոլ Շերզինգերի կարգադրությամբ Հարրի Սթայլսի, Լուի Թոմլինսոնի, Լիամ Փեյնի և Զեյն Մալիկի հետ մի խմբի մեջ է մտնում։ Նրանք գրավում են երրորդ տեղը։ Իր կարիերայի ընթացքում Հորանը գրել է մի շարք երգեր։ Հետագայում սկսել է նաև կիթառ նվագել։

Ընտանիք և մանկություն[խմբագրել | խմբագրել կոդը]

Նայլ Ջեյմս Հորանը ծնվել է 1993 թվականի սեպտեմբերի 13-ին Իռլանդիայի Մալինգար քաղաքում։ Նրա ծնողներ Բոբբի Հորանը և Մաուրա Գալահերը բաժանվեցին, երբ Հորանը 5 տարեկան էր։ Սովորել է Սուրբ Քեննիի ազգային կրտսեր դպրոցում, այնուհետև կաթոլիկ Կոլաիստե Մհուիրում։ Նայլը սկսեց կիթառ նվագել, երբ Նոր Տարվա այն նվեր ստացավ և ըստ իրեն կիթառը կյանքում ստացած ամենալավ նվերն է եղել։ Նրա երգելու տաղանդը բացահայտել է հորաքույրը։ Ավտոմեքենայում Նայլը սկսել է երգել, իսկ հորաքույրը կարծել է, որ ռադիոն է միացրած։ Պատանի հասակում Նայլը ելույթ է ունեղել Մալինգարի արվեստի կենտրոնում։

X Factor[խմբագրել | խմբագրել կոդը]

2010 թվականին 16-ամյա Նայլը մասնակցում է Իքս Ֆակտորի 7-րդ եթերաշրջանին։ Առաջին փուլը հաղթահարելուց հետո, Նայլը ձախողում է երկրորդ փուլում և դուրս է մնում մրցակցությունից։ Մի քանի օր անց Նիքոլ Շերզինգերի առաջարկով Նայլը և չորս ուրիշ տղաների՝ Հարրի Սթայլսի, Լիամ Փեյնի, Լուի Թոմլինսոնի և Զեյն Մալիկի հետ խումբ է կազմում One Direction անունով։ Երկու շաբաթ պատրաստվելուց հետո սկսում են մրցել։ Նրանք գրավում են երրորդ տեղը։ Դրանից մի քանի շաբաթ անց նրանք Սայմոն Քովելի հետ համաձայնագիր են ստորագրում և արձանագրվում Syco Records-ում։

One Direction[խմբագրել | խմբագրել կոդը]

“Իքս Ֆակտորից” հետո One Direction-ը Սայմոն Քովելի Syco Records ընկերության հետ պայմանագիր ստորագրեց։ Նրանք իրենց առաջին ալբոմը թողարկեցին 2011 թվականին, անունը ՝ Up All Night, որին հետևեց նրանց երկրորդ ՝ Take me home ալբոմը ՝ 2012 թվականին։ Նրանք 2013 թվականին նկարահանեցին կենսագրական ֆիլմ կոչելով այն “this is us”: Ֆիլմը առաջին մեկ շաբաթում մոտ 30 միլլոն դոլար եկմաուտ ստացավ։ Երրորդ ալբոմ “Midnight Memories”-ը թողարկվեց 2013 թվականին, իսկ 2014 թվականին խումբը թողարկեց իրենց չորրորդ ՝”four” ալբոմը։ One Direction-ը 58 տարվա մեջ առաջին խումբն է, ում առաջին չորս ալբոմները Billboard Hot 200 աղյուսակում առաջին հորիզոնականում են։ Նրանց հինգերորդ ալբոմ "Made in the AM-ը" թողարկվեց նոյեմբերի 13-ին, 2015 թվականին։

Ազդեցություն[խմբագրել | խմբագրել կոդը]

Նայլը խոստովանել է, որ Մայքլ Բուբլեն իր վրա մեծ ազդեցություն է թողել, քանի որ նրանք ունեն նման կյանքի պատմություններ այն տեսանկյունից, որ երկուսի տաղանդն էլ իրենց հորաքույրների շնորհիվ է բացահայտվել։

Անձնական կյանք[խմբագրել | խմբագրել կոդը]

Հորանի ծնողները բաժանվել են, երբ նա 5 տարեկան էր։ Ունի մեծ եղբայր Գրեգ անունով։ Դերբի Քոունթի ֆուտբոլային ակումբի մեծ երկրպագու է։ Սիրում է սպորտով զբաղվել։ Խաղում է գոլֆ, ֆուտբոլ և թենիս։ 2010 թվականի ամռանը վնասում է ծունկը։ 2013 թվականին կրկին վնասում է նույն հատվածը, որի հետևանքով 2014 թվականի հունվարին վիրահատում է ծունկը։ Վիրահատությունից հետո Չելսիի նախկին մարզիչ Ջոսե Մաուրինիոյի հետ թերապիայի կուրսեր է անցնում։