Յոնջալու (Բուլանըխի գավառ)

Անվան այլ կիրառումների համար տե՛ս՝ Յոնջալու (այլ կիրառումներ)

Գյուղ
Յոնջալու
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառակ	Բուլանըխի գավառակ
Այլ անվանումներ	Յոնճալու, Յունգալի, Յունջալու, Օնջալու
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Ժամային գոտի	UTC+3
Յոնջալու (Բուլանըխի գավառ) (Աշխարհ)

Յոնջալու, գյուղ Արևմտյան Հայաստանում, Բիթլիսի վիլայեթի Բուլանըխի գավառակում։ Գտնվում էր Կոփ գյուղաքաղաքից 8 կմ հյուսիս-արևմուտք՝ Արածանիի ձախակողմյան վտակ Կոփի արգավանդ հովտում։

Պատմություն

Յոնջալուն հանդիսացել է գավառակի նշանավոր գյուղերից։ Գյուղում հայտնաբերվել է մ.թ.ա. 1114 թ.-ի Ասորեստանի Թգլաթապասար թագավորի սեպագիր արձանագրություն, որտեղ ասվում է, որ վերջինս գրավել է Նաիրի աշխարհը։

1915 թվականի Մեծ եղեռնի ժամանակ գյուղը ավերվել է, իսկ բնակիչները կողոպտվել են կամ տարագրվել։

Բնակչություն

XX դարի սկզբին ուներ 300 տուն բնակիչ, որից 263-ը՝ հայեր էին։

Տնտեսություն

Բնակչության հիմնական զբաղմունքը անասնապահությունն ու երկրագործությունն էր։

Պատմամշակութային կառույցներ

Յոնջալուն ուներ եկեղեցի։ Գյուղի մոտերքում գտնվում էր Թադեոս Առաքյալ մատուռը։

Հասարակական կառույցներ

Գյուղն ուներ վարժարան։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 128)։