Յոհաննես Բարբարուս

Յոհաննես Բարբարուս; Johannes Barbarus
Ծնվել է	հունվարի 12, 1890
Ծննդավայր	Q31272096?, Լիֆլանդիայի նահանգ, Ռուսական կայսրություն
Վախճանվել է	նոյեմբերի 29, 1946 (56 տարեկան)
Վախճանի վայր	Տալլին, Էստոնական ԽՍՀ, ԽՍՀՄ
Մասնագիտություն	քաղաքական գործիչ, բանաստեղծ, գրող, գինեկոլոգ և ռազմական բժիշկ
Քաղաքացիություն	Ռուսական կայսրություն, Էստոնիա և ԽՍՀՄ
Կրթություն	Կիևի համալսարանի բժշկական ֆակուլտետ
Կուսակցություն	ԽՄԿԿ
Պարգևներ	և Էստոնական ԽՍՀ վաստակավոր գրող
	Johannes Vares Վիքիպահեստում

Յոհաննես Բարբարուս (էստ․՝ Johannes Barbarus, իսկական անունը՝ Յոհաննես Վարես, էստ․՝ Johannes Vares, 12 հունվարի, 1890, Կիիսա, Պեռստի, Վիլյանդիմաա – 29 նոյեմբերի, 1946, Տալլին, Էստոնական ԽՍՀ, ԽՍՀՄ), էստոնացի բանաստեղծ, գրող, քաղաքական գործիչ։

Կենսագրություն[խմբագրել | խմբագրել կոդը]

Յոհաննես Բարբարուսն ավարտել է Պեռնովե քաղաքի գիմնազիան, 1910-1914 թթ. սովորել է Կիևի համալսարանի բժշկական ֆակուլտետում։ Առաջին համաշխարհային պատերազմի տարիներին՝ 1915-1918 թվականներին, ծառայել է որպես զինվորական բժիշկ։ 1918-1920 թթ. Կոնստանտին Պյատսի կողմից ղեկավարվող ժամանակավոր կառավարության կողմից մասնակցել է Էստոնիայի անկախության պատերազմին, պարգևատրվել է Ազատության խաչ շքանշանով, սակայն հրաժարվել է ընդունել այն։

1920-1930-ական թվականներին որպես բժիշկ աշխատել է Պյառնու քաղաքում։ Գրական գործունեությունն սկսել է 1910-ական թթ. վերջերին- 1920-ականների սկզբներին։ Ստեղծագործել է Յոհաննես Բարբարուս կեղծանունով և անդամակցել է Սիուրու գրական խմբակին։

1940 թվականի հունիսի 21-օգոստոսի 25-ը Բարբարուսը ղեկավարել է էստոնական կառավարությունը, իսկ Էստոնիայի՝ ԽՍՀՄ-ին միանալուց հետո՝ 1940 թ. օգոստոսի 25-ից մինչև մահ, եղել է Էստոնական ԽՍՀ գերագույն խորհրդի նախագահության ղեկավար։ 1940 թվականի սեպտեմբերից Յոհաննես Բարբարուսն Էստոնաշիայի կոմունիստական կուսակցության անդամ է։ Գերմանական գաղութացման տարիներին՝ 1941 —1944 թթ., էվակուացված էր։ Հայրենիք է վերադարձել գերմանացիների վտարումից հետո։

1946 թվականի նոյեմբերի 29-ին՝ առավոտյան 11.40, Յոհաննես Բարբարուսը մահացած է գտնվել իր բնակարանում՝ լողասենյակում։ Ենթադրվում է, որ նա ինքնասպան է եղել ատրճանակի միջոցով^[4]։

Ստեղծագործություններ[խմբագրել | խմբագրել կոդը]

«Մորգանի քողը» (1918)
«Եռանկյունի» (1921)
«Հանգուցալուծում» (1934)
«Ռազմաճակատային ճամփաներին» (1944)
«Քայլ առ քայլ դեպի Հաղթանակ» (1945)

Ծանոթագրություններ[խմբագրել | խմբագրել կոդը]

↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Eesti biograafiline andmebaas ISIK (эст.)
↑ Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ Ալեքսանդր Կալուս։ «Վարես -Բարբարուսն ինքնասպան է եղել»

Վիքիպահեստն ունի նյութեր, որոնք վերաբերում են «Յոհաննես Բարբարուս» հոդվածին։

[_d112c685dc394af5-1] Bibliothèque nationale de France data.bnf.fr (ֆր.): տվյալների բաց շտեմարան — 2011.

[_56f840d7f06dd1fd-2] 2,0 ^2,1 Eesti biograafiline andmebaas ISIK (эст.)

[_8ee1ca6f50ef69b1-3] Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[4] Ալեքսանդր Կալուս։ «Վարես -Բարբարուսն ինքնասպան է եղել»

[1]

[2]

[3]

[4]