Մուհամմադ մարգարե

Վիքիպեդիայից՝ ազատ հանրագիտարանից

Մուհամմադ (արաբ․՝ محمد‎‎, [mʊˈħæmmæd] , ծնվ. 570 թվականի ապրիլի 20 (22) (ըստ որոշ աղբյուրների՝ 571), Մեքքա - մահ. 632 թվականի հունիսի 8, Մադինա), քարոզիչ, մարգարե, իսլամ կրոնի հիմնադիր, Ալլահից հետո իսլամի կենտրոնական անձը։ Ըստ իսլամի ուսմունքի Մուհամմադին է Աստված ուղարկել սուրբ գիրքը՝ Ղուրանը։

Muhammad Salat.svg

Նաև քաղաքական գործիչ և մուսուլմանական համայնքի (ումմա) ղեկավար։ Ստեղծել է ուժեղ և բավականին խոշոր պետություն Արաբական թերակղզու տարածքում, որը կազմել է Արաբական խալիֆայության հիմքը։

Մուհամմադը ծնվել է միջին կարողության վաճառական Աբդալլահ իբն Աբդ ալ-Մուտտալիբի ընտանիքում։ Նրա մայրը՝ Ամինան, ամենայն հավանականությամբ, եղել է հրեադավան։ Երեխայի ծնունդից մի քանի օր առաջ, առևտրական հերթական ուղղերթից վերադարձի ժամանակ Հասրիբի մերձակայքում վախճանվում է նրա հայրը՝ Աբդալլահը։ Հոր բացակայության պայմաններում պապը՝ Աբդ ալ-Մուտտալիբը անցկացրեց երեխայի ծննդյան արարողությունը։ Ապագա համշխարհային կրոնի հիմնադրի մանկությունը անցավ շատ բարդ պայմաններում։

Վեց ամսական հասակում մայրը՝ Ամինան, ունկնդրելով պապի Աբդ ալ-Մուտտալիբի պահանջներին, Մուհամմադին հանձնում է Բանու Սայյադ ցեղի ստնտուներին։ Հետագայում մարգարեն մեծ ակնածանքով էր հիշում իր ստսնտու Խալիմային։ Մինչև չորս ու կես տարեկան նա մնում է Բանու Սայյադ ցեղի մոտ։ Այնուհետև նրա դաստիարակությունն իր վրա է վերցնում պապը՝ Աբդ ալ-Մուտտալիբը։

Աղբյուրներ[խմբագրել]

  • Большаков О.Г. История Халифата, Москва 2000
Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են