Մոհիկաններ
Մոհիկաններ - հնդկացի ցեղ , ալգոլկինների ընտանիքից Հյուսիսային Ամերիկայում: Պետք է տարբերել Մոհիգան հնդկացի ցեղից, որը մոհիկանների հեռավոր ճյուղ է, որի սովորույթներն ու լեզուն էապես տարբերվում են : [1]
Բովանդակություն |
[խմբագրել] Պատմությունը
Մինչև գաղութացումը մոհիկանները (մոտ 3000 մարդ) բնակվել են Հուդզոն գետի հովտում ՝ վերին և միջին հոսանքից վեր, մինչև Շամպլեյն լիճը (այժմ՝ Նյու Յորք նահանգ և Վերմոնտ): Մոհիկանները և իրոկեզները 1609 թվականին առաջիններն էին , որ դիմավորեցին եվրոպացիներին և համագործակցեցին նրանց հետ: XVII դարի սկզբից ներգրավվել են մորթու առևտրի մեջ, որը և հանգեցրել է տոհմային կարգերի քայքայման: Գաղութացման և իրոկեզների ընտանիքին պատկանող Մոհաք ցեղի հետ պատերազմելու հետևանքով մոհիկանների մեծ մասը ոչնչացվեց, մնացածը (մոտ 300 մարդ) վերաբնակեցվեցին Վիսկոնսին նահանգի Սթոքբրիջ ռեզերվացիայում:
[խմբագրել] Անվանումը
Մոհիկան, կամ Մահիկան ինքնանվանումը Մահհիկանակ (Muheconneok) [2] տեղանքի անունից է, որը առաջացել է օվկիանոսի մակընթացությունից, որը հասնում է մինչև Հուդզոն գետի միջին հոսանքը: Նրանց անվանումը ալգոլկինների լեզվով թարգմանվում է «գայլ», իսկ հոլանդացիներին և անգլիացիներին հայտնի էին որպես «գետային հնդկացիներ»:
[խմբագրել] Կենցաղն ու կրոնը
Մոհիկանները զբաղվել են հողագործությամբ, որսորդությամբ և հավաքչությամբ: Նրանք ապրում էին ամրացված 20-ից 30 տուն ունեցող գյուղերում, 8-ից 12 տարին մեկ փոխում էին բնակավայրը: Մոհիկանները կազմված էին հինգ մեծ ցեղերից, որոնց առաջնորդներ կարգավիճակը ժառանգական էր, իսկ օգնականները ընտրվում էին: Մոհիկանները առանց որևէ դիմադրության ընդունեցին քրիստոնեությունը: Սեփական լեզուն անհետացել է, խոսում են անգլերեն:
[խմբագրել] Մոհիկանները գրականության մեջ
- Ամերիկյան գրող Ջեյմս Ֆենիմոր Կուպերը «Վերջին մոհիկանը» վեպում (1826) պատկերել է վերացող ցեղի ռոմանտիկ պատմությունը:
[խմբագրել] Արտաքին հղումներ
- Մոհիկանների մասին Բրիտանիկա հանրագիտարանում (անգլ.)
- Ամեն ինչ հնդկացիների մասին (ռուս.)
- Մոհիկանների պատմությունը Սթոքբրիջի թանգարանի կայքում (անգլ.)
