Միքայել Հակոբյան
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Միքայել Հակոբյան | |
---|---|
Ծնվել է | մարտի 10, 1925 |
Ծննդավայր | Արծվանիկ, Զանգեզուրի գավառ, Հայկական ԽՍՀ, ԱԽՖՍՀ, ԽՍՀՄ |
Վախճանվել է | դեկտեմբերի 25, 1983 (58 տարեկան) |
Վախճանի վայր | Երևան, Հայկական ԽՍՀ, ԽՍՀՄ |
Մասնագիտություն | պատմաբան, թարգմանիչ, լրագրող և արձակագիր |
Քաղաքացիություն | ԽՍՀՄ |
Կրթություն | Երևանի պետական համալսարան |
Գիտական աստիճան | պատմական գիտությունների թեկնածու |
Անդամակցություն | ԽՍՀՄ Գրողների միություն |
Կուսակցություն | ԽՄԿԿ |
Պարգևներ | |
Միքայել Հակոբյան Վիքիդարանում |
Միքայել Նավասարդի Հակոբյան (մարտի 10, 1925, Արծվանիկ, Զանգեզուրի գավառ, Հայկական ԽՍՀ, ԱԽՖՍՀ, ԽՍՀՄ - դեկտեմբերի 25, 1983, Երևան, Հայկական ԽՍՀ, ԽՍՀՄ), հայ արձակագիր, լրագրող, պատմական գիտությունների թեկնածու, ԽՍՀՄ գրողների միության անդամ 1969 թվականից։ ԽՄԿԿ անդամ 1948 թվականից։
Կենսագրություն[խմբագրել | խմբագրել կոդը]
Ծնվել է ՀԽՍՀ Ղափանի շրջանի Արծվանիկ գյուղում։ 1943-1945 թվականներին ծառայել է խորհրդային բանակում, մասնակցել Հայրենական մեծ պատերազմին։ Զորացրվելուց հետո եղել է «Ավանգարդ» թերթի սեփական թղթակիցը Զանգեզուրում։ 1947-1949 թվականներին գրական աշխատող, ապա պատասխանատու քարուղար էր Ղափանի «Պղնձի համար» թերթում։ 1954 թվականին ավարտել է Երևանի համալսարանի բանասիրական ֆակուլտետի ժուռնալիստիկայի բաժինը։ 1952-1954 թվականներին ուսանելու տարիներին, եղել է «Սովետական ուսանողություն» թերթի խմբագիրը։ 1955-1957 թվականներին աշխատել է «Ավանգարդի» խմբագրությունում որպես բաժնի վարիչ, պատասխանատու քարտուղար, խմբագրի տեղակալ։ 1957-1959 թվականներին «Առողջապահություն» ամսագրի պատասխանատու քարտուղարն էր։ 1959-1961 թվականներին սովորել է ՀԽՍՀ ԳԱ ասպիրանտուրայում։ 1962-1965 թվականներին եղել է ՀԽՍՀ ԳԱ «Տեղեկագիր հասարակական գիտությունների» ամսագրի պատասխանատու քարտուղարը, 1965-1966 թվականներին՝ «Սովետական Հայաստան» օրաթերթի պատասխանատու քարտուղարը, 1966-1969 թվականներին՝ Հայկական սովետական հանրագիտարանի պատասխանատու քարտուղարը, ապա ավագ գիտխմբագիր, 1969-1973 թվականներին՝ ՀԽՍՀ ԳԱ «Լրաբեր հասարակական գիտությունների» ամսագրի պատասխանատու քարտուղարը։ 1973-1983 թվականներին ավագ գիտաշխատող է եղել ՀԽՍՀ ԳԱ պատմության ինստիտուտում։ 1974 թվականին «Գրիգոր Մսերյանը և նրա Մետերոա հանդեսը հայ լուսավորական-դեմոկրատական շարժման մեջ» թեմայով դիսերտացիա է պաշտպանել և ստացել պատմական գիտությունների թեկնածուի աստիճան[1]։
Ռուսերեն լույս է տեսել նրա «Օր առանց մայրամուտի» գիրքը (Երևան, 1974)։
Պարգևատրվել է Կարմիր աստղի շքանշանով (1945)։ Մահացել է Երևանում[2]։
Երկեր[խմբագրել | խմբագրել կոդը]
- Անհետ կորած մարդիկ, վավերագրական երկ, 1964։
- Որդու վերադարձը, վավերագրական երկ, 1968։
- Օր առանց մայրամուտի, Երևան, 1974։
- Բաբախող սրտեր, վավերագրական երկ, 1981։
- Կոմիսարը, վավերագրական երկ, 1982։
Ծանոթագրություններ[խմբագրել | խմբագրել կոդը]
- ↑ «ՀԱԿՈԲՅԱՆ ՄԻՔԱՅԵԼ (ՄԻՇԱ) ՆԱՎԱՍԱՐԴԻ». -= ԶԱՆԳԵԶՈՒՐ=-. 2010 թ․ մայիսի 3. Վերցված է 2017 թ․ մարտի 10-ին.
- ↑ Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 272-273.
Վիքիդարանն ունի նյութեր, որոնք վերաբերում են «Միքայել Հակոբյան» հոդվածին։ |
|
- Մարտի 10 ծնունդներ
- 1925 ծնունդներ
- Արծվանիկ գյուղում ծնվածներ
- Դեկտեմբերի 25 մահեր
- 1983 մահեր
- Երևան քաղաքում մահացածներ
- ԵՊՀ շրջանավարտներ
- ԽՍՀՄ գրողների միության անդամներ
- ԽՄԿԿ անդամներ
- Կարմիր աստղի շքանշանի ասպետներ
- Անձինք այբբենական կարգով
- Գրողներ այբբենական կարգով
- 20-րդ դարի արևելահայ արձակագիրներ
- Հայ արձակագիրներ
- Հայ թարգմանիչներ
- Հայ լրագրողներ
- Հայ պատմաբաններ
- Հայրենական մեծ պատերազմի հայ մասնակիցներ
- Պատմական գիտությունների թեկնածուներ
- Ռուսերենից հայերեն թարգմանիչներ