Մինոտավրոս

Վիքիպեդիայից՝ ազատ հանրագիտարանից
Տեսևսի մարտը Մինոտավրոսի հետ պատկերված հին հունական ամփորայի վրա (մ.թ.ա. VIդ.)

Մինոտավրոս (հին հունարեն՝ Μῑνώταυρος , Մինոսի ցուլը), ըստ հին հունական դիցաբանության մարդու մարմնով և ցուլի գլխով հրեշ, որը ծնվել է Կրետեի Մինոս արքայի կնոչ՝ Պասիփաեի և Պոսեյդոնի կողմից ուղարկված ցուլի ոչ-բնական խառնակության արդյունքում։ Պատմվում է, որ Պասիփայեն իր նպատակին հասնելու համար մտել է փայտից շինված մի կովի մեջ։ Մինոտավրոսն ապրում էր Մինոսի հրամանով Դեդալոսի կողմից կառուցված լաբիրինթոսի մեջ՝ սնվելով այն պատանիներով ու աղջիկներով, որոնց աթենացիները տալիս էին Մինոսին որպես հարկ։ Սպանվել է աթենական հերոս Տեսևսի կողմից։ Դանթեն իր «Աստվածային կատակերգության» մեջ Մինոտավրոսին դարձնում է Դժոխքի յոթերոդ պարունակի պահապանը (այնտեղ պատժվում էին բռնավորները)։