Միխալիս Կակոյաննիս
| Միխալիս Կակոյաննիս | |
|---|---|
 ռեժիսոր, սցենարիստ |
|
| Բնագիր ԱԱՀ՝ | Μιχάλης Κακογιάννης |
| Ծննդյան օր՝ | հունիսի 11, 1922 |
| Ծննդավայր՝ | Լիմասոլ, Կիպրոս |
| Վախճանի օր՝ | հուլիսի 25, 2011 (89 տարեկան) |
| Վախճանի վայր՝ | Աթենք, Հունաստան |
| Ազգություն |  Հունաստան |
| Աշխատանք՝ | 1953-1999 |
Միխալիս Կակոյաննիս (հունարեն՝ Μιχάλης Κακογιάννης, հունիսի 11, 1922, Լիմասոլ, Կիպրոս- հուլիսի 25, 2011, Աթենք, Հունաստան), հույն կինոռեժիսոր, սցենարիստ և պրոդյուսեր:
Բովանդակություն |
[խմբագրել] Կենսագրություն և կարիերա
Միխալիս Կակոյաննիսը ծնվել է 1922 թվականին Կիպրոսում: 1939 թվականին նրան ուղարկում են ուսման Լոնդոնում որպես փաստաբան:
Սովորելու տարիներին սկսվումմ է հետաքրքրվել կինեմատոգրաֆիայով: Նա ընդունվում է Օլդ Վիկ քաղաքի թատերական դպրոց և հանդես է գալիս Մայքլ Յաննիս կեղծանունով: Չկարողանալով աշխատանք գտնել բրիտանական կինոյում նա վերադառնում է Հունաստան: 1953 թվականին նկարահանում է իր առաջին ֆիլմը` «Windfall in Athens»:
Կակոյաննիսի ամենահայտնի ֆիլմը 1964 թվականին Նիկոս Կազանձակիսի ստեղծագործության հիման վրա նկարահանված «Հույն Զորբան» ֆիլմն էր, որը մեծ ճանաչում բերեց ռեժիսորին, իսկ ֆիլմը արաժանացավ մի շարք մրցանակների (որոնց թվում 3 Օսկար): 1983 թվականին նա մասնակցել է Բրոդվեյում բեմադրվող համանուն ներկայացմանը, որը ավելի շատ հիմնված էր իր ֆիլմի վրա քան Կազանձակիսի ստեղծագործության:
Կակոյաննիսը իր ֆիլմերի մեծ մասը նկարահանել է հին հունական դասական գրականության ստեղծագործությունների հիման վրա, հատկապես Եվրիպիդեսի երկերի («Էլեկտրա», «Տրոյացի կանայք», «Իֆիգենիա»): 1999 թվականին Անտոն Չեխովի համանուն ստեղծագորության մոտիվներով նկարահանում է «Բալենու այգին» ֆիլմը:
2003 թվականին Միխալիս Կակոյաննիսը հիմնում է «Մխալիս Կակոյաննիս» ֆոնդը, որը զբաղվում է հունական ազգային թատերական արվեստի և կինեմատոգրաֆիայի զարգացման աշխատանքներով[1]:
[խմբագրել] Ֆիլմագրություն
Նկարահանել է 16 ֆիլմ, 15 ֆիլմի սցենարի հեղինակ է, 10 ֆիլմի պրոդյուսեր:
Առավել նշանավոր ֆիլմերն են.
| տարի | ֆիլմ | դերասաններ |
|---|---|---|
| 1955 | «Ստելլա» | |
| 1960 | «Մեր վերջին գարունը» | |
| 1962 | «Էլեկտրա» | |
| 1964 | «Հույն Զորբան» | Էնթոնի Քուին Ալան Բեյթս |
| 1977 | «Իֆիգենիա» | |
| 1999 | «Բալենու այգին» | Ալան Բեյթս |
[խմբագրել] Մրցանակներ
Ընդհանուր թվով ստացել է 11 կինոմրցանակ, ներկայացված է եղել ևս 11-ի, որոնց թվում`
- 3 անգամ ներկայացվել է Օսկարի
- 9 անգամ ներկայացվել է Կաննի կինոփառատոնի տարբեր մրցանակների, ստացել 2 մրցանակ
- 1 անգամ ներկայացվել է Ոսկե Գլոբուսի Ոսկե Գլոբուս լավագույն ռեժիսորի համար անվակարգում
- 2 անգամ ներկայացվել է BAFTA-ի
- ստացել է 1 Դավիդ դի Դոնատելլո մրցանակ
- 1 անգամ ներկայացվել է Բեռլինի կինոփառատոնի մրցանակի
- հունական Թեսաղոնիկեի կինոփառատոնի 5 մրցանակ
- Մոնրեալի կինոփառատոնի մրցանակ կինոյում ունեցած ավանդի համար
