Մարտունի (գետ)

Անվան այլ կիրառումների համար տե՛ս՝ Մարտունի (այլ կիրառումներ)

Մարտունի
Բնութագիր
Երկարություն	27,6 կմ
Ավազանի մակերես	101 կմ²
Ջրի ծախս	1,44 մ³/վ
Ջրահոսք
Ակունքի տեղակայում	Վարդենիսի լեռներ
Գետաբերանի տեղակայում	Սևանա լիճ
Կոորդինատներ	39°57′50″ հս․. լ. 45°24′09″ ավ. ե.
Տեղակայում
Հոսող հոսքեր	Դաշտագետ
Երկիր	Հայաստան
Երկրամաս	Գեղարքունիքի մարզ

Մարտունի, Գարսնլըգչայ, Դաշտաձոր, Դաղտիդերեսի, Դաշաի ձոր, Կարանլիկչայ, Կզնուտների գետ, Ղարանլըխչայ, Ղարանլըղ, Ղարանլուղ, Ղարանլուղչայ, Ղուռուչայ, Ղուրուչայ, գետ Հայաստանի Գեղարքունիքի մարզում՝ Սևանա լճի ավազանում։ Սկիզբ է առնում Վարդենիսի լեռնաշղթայի հյուսիսային լանջերից՝ 3300 մ բարձրությունից։ Երկարությունը 27,6 կմ է, ջրհավաք ավազանը՝ 101 կմ²։ Գետահովիտը վերին հոսանքում V-աձև է, միջինում՝ տաշտակաձև։ Սնումը հիմնականում ձնաանձրևային (58%) է, վարարումը՝ ապրիլ-մայիսին։ Տարեկան միջին ծախսը 1,44 մ³/վ է։ Ջրերն օգտագործվում են ոռոգման նպատակով։ Լեռնային, արագահոս գետակ է։ Ամառը ցամաքում է։ Երբեմն կոչվել է նրա վտակի՝ Դաշտագետի անունով։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։