Մարուֆ

Մարուֆ, գյուղ Արևմտյան Հայաստանում, Էրզրումի վիլայեթի Խնուսի գավառում^[1]։ Գտնվում էր Խնուս քաղաքից 10 կմ հարավ-արևելք, Խնուսի գետի աջ կողմում։

Անվան ստուգաբանություն[խմբագրել | խմբագրել կոդը]

Գյուղի բնակիչները եղել են բարձրահասակ մարդիկ, որի համար էլ պարսիկները գյուղը կոչել են Մարուֆ՝ «խոշոր մարդ»։

Տարածքը լեռնային էր։ Գյուղով անցնում էր Խնուս-Բուլանըխ ճանապարհը։

1915 թվականի Մեծ եղեռնի ժամանակ թուրքերը կոտորել են գյուղի ողջ բնակչությանը։

1885 թվականին ուներ 28 տուն, իսկ 1909 թվականին՝ 45 տուն հայ բնակիչ։

Բնակչության հիմնական զբաղմունքը անասնապահությունն ու հողագործությունն էր։ Գյուղն ուներ 2 ձիթհանք, աղբյուրներ և փարթամ մարգագետիններ։

Մարուֆն ուներ քարակերտ եկեղեցի^[2]։

«Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն