Մարկ Դակասկոս

Վիքիպեդիայից՝ ազատ հանրագիտարանից
Picto infobox film.png
Մարկ Դակասկոս
Մարկ Ալան Դակասկոս
Mark Alan Dacascos
Mark Dacascos cropped.jpg
Բնօրինակ անուն Մարկ Ալան Դակասկոս
Mark Alan Dacascos
Հասակը 175 սմ
Ծնվել է՝ փետրվարի 26, 1964 (1964-02-26) (50 տարեկան)
Ծննդավայր Հավայի, ԱՄՆ-ի դրոշը ԱՄՆ
Ազգություն ԱՄՆ-ի դրոշը ԱՄՆ
Մասնագիտություն դերասան
Ակտիվ շրջան 1985 –այժմ
Ժանրեր Մարտական,
Դրամա,
Թրիլեր
Ընտրանի "Հանկարծակի հարված",
"Օրորոցից մինչև գերեզման",
"Լացող մարդասպանը"
Ամուսին(ներ) Ջուլիա Քոնդրա
(3 երեխա)
IMDb ID 0001092
ԿինոՊոիսկ ID 33181

Մարկ Ալան Դակասկոս (անգլ.՝ Mark Alan Dacascos , ծնվ. 1964 թ., փետրվարի 26 (1964-02-26), Հավայի, ԱՄՆ) ամերիկացի դերասան և մարտարվեստի վարպետ[1]։ 7-ից 18 տարեկաններում կարատեի և քունգ-ֆուի տարբեր ոճերի մրցաշարերի բազմակի հաղթող[2]: Հանդիսատեսին հայտնի է «Հանկարծակի հարված», «Օրորոցից մինչև գերեզման», «Լացող մարդասպանը», «Գայլերի եղբայրություն» և «Միայն ամենաուժեղը» ֆիլմերից։

Կենսագրություն[խմբագրել]

Մարկ Ալան Դակասկոսը ծնվել է 1964 թվականի փետրվարի 26-ին Հավայիում, ԱՄՆ: Մարկի երակներում հոսում են մի քանի արյուններ` չինական, ֆիլիպինյան, իսպանական, ճապոնական և իռլանդական: Մարտական արվեստների ուսուցիչ հայրը` Էլ Դակասկոսը (Ալբերտ Ժոզեֆ Դակասկոս) դարձել է Մարկի առաջին շիֆուն (մարտարվեստի ուսուցիչ): Մարկի մայրը` Մորիկո Մաքվեյը եղել է Էլի աշակերտուհին: Մարկի երկրորդ շիֆուն դարձել է նրա «երկրորդ մայրը»` Մալիյա Բարնալը: Նա եղել է ԱՄՆ-ի լավագույն մարտիկների տասնյակի մեջ և հինգ տարիների ընթացքում եղել է կանանց մեջ մարտարվեստում առաջինը: Ինչպես նաև եղել է առաջին կինը, ով հայտնվել է հայտնի «Սև գոտի» («Black Belt» magazine) ամսագրի շապիկին:

Էլ Դակասկոսն ստեղծել է սեփական «Wun hop kuen do» ոճը քունգ-ֆուում, որն իր վրա կրել է չինական և ֆիլիպինյան դպրոցների ազդեցությունները: Այն Kajukenbo (Կարատե (Karate)) , Ձյուդոյի (Judo), Կեմպոյի (Kenpo) և չինական ու արևմտյան բոքսի (Boxing) բռնցքամարտի ոճերի համադրություն է, որը տարածվել է Հավայիում: Էլ Դակասկոսը դասավանդում է իր ոճը Պորտլենդ քաղաքում` ԱՄՆ, Օրեգոն նահանգ:

Մարտարվեստի ուղին[խմբագրել]

Ծննդյան օրվանից Մարկին շրջապատել են մարտարվեստները, և դա չէր կարող չանդրադառնալ նրա կյանքի վրա: Մարկը մարտարվեստի առաջին մրցաշարը հաղթել է 9 տարեկանում:

17 տարեկանում Մարկը մեկնել է Թայվան` Muo-Hui Shen շիֆուի մոտ սովորելու, ով այն ժամանակ սովորեցնում էր Ցին-նա և Շուայցզյաո (չինական ձյուդո) ոճերը, որոնց մեջ մարտի ժամանակ օգտագործվում է հակառակորդի հագուստը: Զուգահեռաբար Մարկը շարունակում էր մասնակցել մրցաշարերին և ցուցադրական ելույթներին:

Նույն ձևով Մարկը դարձել է պրոֆեսոր Jiang Hao-Quan-ի ուսանողը, ով ուսուցանում էր Շաոլինի տարբեր ոճեր, ինչպես` Chin Na, Shui Jao և Թայ չի (Թայ ցզի):

Ավելի ուշ Մարկը սկսել է Կապոեյրո ուսանել Ամեն Սանտոյի (Amen Santo) մոտ, ով խաղում է նրա ուսուցչի դերը «Միայն ուժեղագույնները» ֆիլմում:

Մարտական արվեստները «...միշտ եղել են իմ կյանքի մի մասը»,- ասում է Մարկը:

«Եվ ես ջանասիրաբար կաշխատեմ, որպեսզի շարունակեմ կատարելագործվել: Եղել են ժամանակներ, երբ ես «դոփում էի տեղում», մի քանի անգամ եղել են պահեր, երբ ինձ անհրաժեշտ էր շունչ քաշել, և ես զբաղվել եմ այլ գործերով: Բայց, եթե ազնիվ լինեմ, ես երբեք չեմ մտածել մարտարվեստը ընդհանրապես թողնելու մասին: Ես երջանկություն եմ ունեցել ունենալ երեք ծնողներ, որոնցից երկուսը, իմ համեստ կարծիքով, հրաշալի մարտիկներ են (Էլ Դակասկոս և Մալիյա Բերնալ): Ես կցանկանայի երբևէ սովորեցնել ուրիշներին այն ամենը, ինչ նրանք սովորեցրել են ինձ: Վաղ մանկությունից լինելով նրանց աշակերտը` ես հասկացել եմ, թե ինչ է ծանր աշխատանքը. դա ինձ պատրաստել է դերասանի մասնագիտության համար: Մտավոր և հոգևոր ասպեկտները օգնել են ինձ նույնքան, որքան ֆիզիկական ուսումը: Ես կարծում եմ` դրանք նույնիսկ ավելի կարևոր են եղել: Շնորհակալ եմ հայրիկ և մայրիկ»:

Սպորտային մրցանակներ[խմբագրել]

Մարկն մրցաշարերի սկսել է մասնակցել 7 տարեկանից: 18 տարեկանում նա մասնակցել է Եվրոպայի և Միացյալ Նահանգների ավելի քան 200 մրցաշարերի: Դրանցից մի քանիսն են.

  • 1973 — Long Beach Internationals

Առաջին տեղ — Pee Wee Division

Առաջին տեղ — Junior Division

  • 1982 — Քունգ-ֆուի և կարատեի եվրոպական առաջնություն

Առաջին տեղ — Թեթև քաշ — Brown Belt Division

  • 1982 — Քունգ-ֆուի և կարատեի իտալական առաջնություն

Առաջին տեղ — Թեթև քաշ — Brown Belt Division

Առաջին տեղ — Junior Division

Ծանոթագրություններ[խմբագրել]

  1. «Discovering the Samurai Within». Inside Kung Fu. http://www.insidekung-fu.com/content/view/171/36/։ Վերցված է 2011-03-18. 
  2. Biography for Մարկ Դակասկոս Internet Movie Database կայքում (Ֆիլմերի համացանցային շտեմարան)