Մարկո Պոլո

Վիքիպեդիայից՝ ազատ հանրագիտարանից
Մարկո Պոլո
Marco Polo
Marco Polo portrait.jpg
Մարկո Պոլոյի դիմանկար
Անունը Մարկո Պոլո
Բնօրինակ
անունը
Marco Polo
Ծնվել է սեպտեմբերի 15, 1254
Ծննդավայր Իտալիա Վենետիկ, Իտալիա
Մահացել է հունվարի 8, 1324
Մահվան վայր Իտալիա Վենետիկ, Իտալիա
Քաղաքացիություն Իտալիա Իտալիա
Ազգություն իտալացի
Մասնագիտություն ճանապարհորդ

Մարկո Պոլո (իտալ.՝ Marco Polo, սեպտեմբերի 15, 1254, Վենետիկ - հունվարի 8, 1324, Վենետիկ), իտալացի վաճառական և ճանապարհորդ, ով ներկայացրել է Ասիայի երկրներում իր ճանապարհորդությունների պատմությունը շուրջ 1300 թվականին իր շարադրած «Աշխարհի բազմազանության մասին» (ֆրանսերեն` Livres des merveilles du monde) գրքում։

Չնայած երկում ներկայացված տեղեկությունների նկատմամբ առկա որոշ անվստահությանը, որը առաջ է եկել դրա լույս ընծայումից քիչ հետո և շարունակվում է առ այսօր, ներկայումս այն մասնագետների մեծամասնության կողմից ճանաչվում է որպես արժեքավոր աղբյուր 13-րդ դարի երկրորդ կեսի Պարսկաստանի, Չինաստանի, Մոնղոլիայի, Ինդոնեզիայի, Հնդկաստանի և այլ երկրների աշխարհագրության, ազգագրության, պատմության ուսումնասիրության համար։

Մարկո Պոլոյի աշխատությունը բացառիկ տեղեկություններ է պարունակում նաև Կիլիկյան Հայաստանի և հայ ժողովրդի վերաբերյալ։ Գիրքը նշանակալի ազդեցություն է ունեցել 14-16-րդ դարերում ծովագնացների, քարտեզագրողների և գրողների վրա։ Մասնավորապես, այն եղել է Քրիստափոր Կոլումբոսի սեղանի գիրքը` նրա Հնդկաստանը որոնելու ճանապարհորդության ընթացքում։

Մարկո Պոլոյի ճանապարհորդությունների քարտեզ

Արտաքին հղումներ[խմբագրել]